Feto timoroan primeiru ne'ebé rekoñese husi BBC hanesan feto ne'ebé influénsia liu iha mundu.

Feto timoroan ida ne'e sempre pronto azuda ema vulnerable sira ne’ebe mak presiza nia tulun, nia mos sai hanesan sira nia lian ba autoridade ka governu sira. Nia valor ka fiar mak atu “ema hotu moris ho dignu no halo parte iha desenvolementu nasaun nian". Maski, tuir nia, ema barak mak la gosta nia tanba nia koalia lia los, maibe nia nunka para atu kontinua servi no azuda hirak ne’ebe mak presiza. Nia dedikasaun no servisu maka’as ida ne’e ikus mai hetan rekonhesementu internasional husi BBC iha tinan 2023 hanesan parte husi feto 1100 pesoas ne'ebe influensia iha Mundu.Nia hamutuk ho feto forte sira seluk iha Mundu ne’ebe tama iha lista feto 100 pesoas ne’ebe influensia iha Mundu.

Bella Galhos ativista politika no advokasia Timoroan ba ema vulneravel sira Credit: Bella Galhos

Rekonhesemehtu ida ne’e laos deit premeira vez ba ema Timoroan sira, maibe mos ba feto Timor-Leste. Hanesan Timoroan no hanesan feto ita hotu orgulho tanba ida hanesan rekonhese ita nia feto maluk nia servisu no nia dedikasaun. Ema ne’e mak Mana Bella Galhos, ne’ebe ita hotu hatene hanesan feto ativista politika no mos lian ba grupu vulneravel ho grupu LGBTIQ sira.

Bella Galhos lidera grupu juventude balun halo servisu atu hadia jardín Credit: Bella Galhos

Iha anunsiu ne'ebe fo sai ofisialmente husi BBC iha data dia 21 de Novembru 2023, Mana Bella Galhos tama iha kategoria politika no advokasia. Orgulho liu tan, tanba Mana Bella Galhos lista hamutuk iha kategoria ativista konhesida sira seluk iha Mundu hanesan, Michelle Obama, Eis premeira dama husi Estados Unidas de America, Amal Clooney, Advogada ba Direitus Umanos, Sonia Guajajara, Ministra ba ema indijinu Brazil nian no mos feto sira seluk tan.

Bella Galhos halo protesta iha Canada kona ba torturasaun ne'ebe joven timoroan sira hetan iha tempu Indonesia Credit: Bella Galhos

SBS Lian Tetum iha prevelijiu bele intervista ho Mana Bella Galhos kona-ba rekonhesementu ida ne’e no dada lia ho nia konta istoria kona ba nia involvementu iha politika, no nia servisu azuda ema vulnerabel sira. Nune’e mos ami ke'e oituan hodi hatene liu tan, se no saida mak influensia nia hodi involve iha atividade politika.

Bella Galhos ko'alia iha Pride March LGBTIG+ iha Dili. Credit: Bella Galhos

Mai ita rona hamutuk intervista ho Mana Bella iha podcast ida ne'e.