Saida mak ita tenke halo bainhira hetan tata husi samea no labadain iha Australia.

Iha Austrália, sira iha animál no insetu barak ne'ebe mak iha veneno ne'ebe bele fo perigu ba ema nia moris. Tanba ne'e hatene kona-ba saida mak ita presiza halo bainhira ita hetan tata husi samea ka labadaen iha Australia bele azuda salva ita-nia moris. Tuir mai konsellu husi peritu balun kona-ba oinsá atu salva ita-nia an kuandu ita moras husi veneno bainhira hetan tata.

Maski ita sente deit suspeitu kona-ba samea tata ita, ita tenke buka kedas atensaun médiku Credit: Getty Images/Nigel Killeen

Pontu chave sira

• Hetan tata husi labadaen bot sira presiza trata hanesan emerjensia mediku.
• Kualkér samea tata tenke trata hanesan potensialmente ameasa moris no aplika imobilizasaun presaun hanesan pasu importante ida husi asisténsia primeiru.
• Ita bele asesu ba asisténsia médika emerjénsia iha fatin naran de'it iha Australia, inklui área remota sira.

Tuir Diretor Medical of NSW Poisons, Dr. Darren Roberts, Austrália iha reputasaun kona-ba animál ho venenu sira. Maibé bainhira ko'alia kona-ba labadaen, iha espésie ida de'it mak ita presiza preokupa.

Ne'e mak ida sira bolu labadae ka spider "the funnel-web". Maski iha ema barak hatete katak labadean ida ne'e hanesan "redback" ka fo veneno ba ema, maibe posilibilidade ema bele mate ka hetan veneno makas no tama ospital kiik tebes. Labadaen sira seluk iha Australia laiha veneno ne'ebe mak makas kompara ho ida "the funnel-web" nee.

Peskiza ne'e la hatudu preokupasaun uluk kona-ba hetan tata husi labadaen redback . Maski sira iha venenu, maibé efeitu sira presiza oras atu dezenvolve no la presiza tratamentu médiku, se la iha sinál infesaun ka sintoma agravadu. Credit: Getty Images/Jenny Dettrick

Maski babain ema hasoru ka hetan samea iha Australia, maibe ida ne'ebe mak bele oho ema raru tebes atu hetan.

Maizumenus 100 husi espésie samea 172 iha nasaun ne'e mak venenu, maibé 12 de'it mak bele oho ema, ne'ebé foin lalais ne'e hatudu katak maizumenus kada tinan oho ema nain rua.

Dr. Roberts " Ita hotu hatene katak ema bele hetan samea iha fatin ne'ebe deit iha Australia, inkluido iha fatin ne'ebe mak ami hela ba. Maibe felisimente samea tata ema mak bele hamosu problema bot ladun akontese.

Samea la iha razaun atu tama ba ema nia uma." Profisionál kaer samea Gianni Hodgson dehan 90% husi telefone ne'ebe nia simu mak atu hasai samea husi ema nia uma kotuk. Credit: Getty Images/Andrew Balcombe / EyeEm

Ajuda Premeiru bainhira labadaen tata

Maski kuaze labadaen tata iha Australia kauza problema kiik, importante tebes atu hatene saida mak ita presiza hatene bainhira ita ka ema seluk hetan tata.

Dr Roberts hatete bainhira hetan tata husi labadaen, alende ida the funnel-web ne'e mak " Atu fase fatin ne'ebe hetan tata ho anti-septiku, haree dala rua katak ita-nia tetano to'o ohin loron, no se lae, ne'e mak buat ne'ebé ita haree no hein de'it.

Se karik sintoma seluk mosu ne'ebe hatudu infesaun, ba buka kedan asistensia mediku.

Hetan moras iha fatin ne'ebe tata ne'e normal. Uza zelu fatuk ka pakoti zelu nian (falun ho hena mos ruma) direta ba fatin tata nian durante 15 minutus hodi azuda halakon moras.

Labadaen tata (alende ida "Funnel-web") halo ema la sente kuandu, sintoma ka sinal foin sei mosu depois de loron hirak tiha. Credit: Getty Images/Stefania Pelfini, La Waziya Photography

Iha kontratiu, bainhira hetan tata husi labadaen ho naran "funnel-web" sente moras tebes, ida ne'e bele perigu ba ita nia moris no presiza tratamentu ospitál.

Trata kualkér kanek bainhira hetan tata husi labadaen ka suspeitu labadaen "funnel web" hanesan emerjénsia médiku no bolu ambulánsia.

Bainhira hetan tata husi labadaen " funnel-web" sei hamosu sinal sira hanesan ibun matek; posibilidade mosu mos laran beik no muta, hetan moras mos iha kabun no peitu.

Dr Shaun Francis, The Royal Flying Doctor Service, Queensland

Labadaen "Funnel-web" hetan iha area Sydney no iha tasi parte leste (east coast). Labadaen metan seluk hetan iha kuaze Australia tomak. Credit: Getty Images/Image Created by James van den Broek

Dr Roberts fo detalha saida mak ema presiza halo:

• Aplika imbolizasaun presaun hanesan azuda premeiru hodi prevene veneno tama iha ita nia isin laran iha fatin ne'ebe hetan tata depois muda liman ba mai ka tun sae.
• Ema ne'ebe hetan tata presiza toba ka latan ba kama to'o ambulansia mai.
• Labele lao tun sae tanba Ida-ne'e bele aselera venenu ne'ebé la'o hale'u isin.

Bainhira hein hela ambulánsia atu to'o mai, koko atu halo imobilizasaun ba fatin ne'ebe hetan tata ou ka proteje fatin tata hodi la muda ba mai.

Uza ligadura imobilizasaun ne'ebe fo presaun maibe la forti liu, la'ós turniquet ( ligadaru ne'ebe fo presaun makas), ba kanek ne'ebe hetan husi labadaen " funnel web" tata no mós samea venenu sira atu hapara sirkulaun venenu iha isin. Credit: Getty Images/Lisa Maree Williams / Stringer

Saida mak akontese bainhira ita hetan tata iha area remota?

Shaun Francis hanesan dotor ida iha sukursal Queensland husi the Royal Flying Doctor Service, hanesan organizasaun ne'ebe fornese transporte aeromediku, kuida saude no emrejensia ba 24-hour iha Australia nia area remota and komunidade remota sira.

Tuir Dr Francis hatete, hetan tata husi labadaen hanesan buat normal ida iha area remota no dala barak ema la hatene razaun tanba sa labadaen tata sira.

Inisialmente, iha moras iha fatin ne'ebe hetan tata, depois mean no hetan mos bubu ne'ebé la espesífiku tebes ba kualkér tipu de tata.

Shaun Francis, The Royal Flying Doctor Service, Queensland

Dr Francis esplika; bainhira mosu sintoma sistemátiku sira, ne'e hanesan indikasaun kona-ba envenomasaun no bele hamosu intervensaun saúde ho transporte aeromediku ba pasiente.

"Bainhira ema sente moras ne'e makas, halo sira prekupadu no normalmente hamosu kosar. Porezemplu; bainhira hetan tata husi labadaen " funnel web" sei hamosu uluk ibun matek, laran beik no muta depois sente moras iha kabun no peitu.

Dr. Francis mos hatutan “ida ne'e halo ami fo kedan intervensaun no hasae ami nia atensaun ba kuida pasiente ne'e, kompara ho bainhira hetan tata husi samea, maski la mosu sintoma sira ne'e ami sei lori pasienti sira ba area kuidadu definitivus iha ospital.

In the outback, all emergency calls for snakebites trigger a medical response for suspected envenomation. Credit: Getty Images/kristianbell

Ajuda premeiru bainhira hetan tata husi samea

Samea tata balun maran hela deit, ida ne'e signifika katak sira ataka maibe laiha veneno ne'ebe hasai husi sira nia tata ne'e.

Dr. Francis fó avizu katak ida ne'e bele fo perigu bainhira ema hanoin samea tata ne'e la fo veneno. Kualker samea ne'ebe deit mak tata ita presiza trata hanesan potensialmente ameasa moris.

Dr Francis fo sai dalan tolu atu bele azuda ema:

• Aplika kedan ligadaru imobilizasaun ne'ebe la fo presaun makas.
• Immobiliza isin ne'ebe hetan tata ho falun metin atu hetan protesaun ka la bok ba mai.
• Liga ba numeru emerjensia 000. 

Baseia ba profisional kaer samea Gianni Hodgson, maski samea ne'ebe laiha veneno mos bele hamosu problema.

"Animak ne'ebe mak ema hakiak dala ruma halimar ho sira, labarik sira dala ruma hetan tata. Samea sira dala ruma laiha veneno maibe dala ruma iha bakteria"

Saida mak ita labele halo bainhira hasoru samea

Samea sei la ataka ema anauserke sira sente ameasadu ou ka tauk. Samea sei tata ema bainhira ema koko atu oho ou kaer sira.

Mr Hodgson hatete " Hanoin katak samea ida bele duni tuir imi mak hanoin-sala ne'ebé baibain mosu.

Tempu ida ne'ebe samea bele tata ita mak bainhira ita hare samea mai hasoru ita bainhira sira koko atu ba iha fatin seguru no ita hamriik iha sira-nia dalan. No metade husi tempu ne'e sira la hatene tan katak ita hamrik iha ne'eba.

Gianni Hodgson, professional snake catcher

Sr. Hodgson fahe sujestaun balu kona-ba saida mak ita labele halo bainhira haree samea ida.

• “ Labele halo lian makas ka hakilar, no bainhira ita hamrik besik samea ne'e, sira sei prepara an atu ataka ita.
• Muda ita nia diresaun ba tiha fatin seluk no hadok an husi sira.
• Se ita porsenikerer hamrik iha samea nia leten labele bok an no viji hanesan ita mate. Husik samea ne'e muda an liu tiha ba fatin ne'ebe nia hakarak ba. Ida ne'e hatudu nia la hatene se ita iha fatin ne'ebe nia iha ba.

Se mak ita presiza liga ba bainhira hetan tata

• Se la hatene saida mak ita presiza atu halo depois de hetan tata husi labadaen, liga ba sentru informasaun nationwide Poisons Information centre helpline iha 13 11 26.
• Ba kualker samea tata no iha sitausaun emerjensia favor liga 000.
• Se ita bot dok husi hospital, bele liga ba the Royal Flying Doctor Service iha numeru 1300 My RFDS (1300 69 7337).