නිවාස කුලිය සීග්‍ර ලෙස ඉහල යෑම හේතුවෙන්, නිවාස කුලිය සදහා සැපයෙන සහනයේ (rent assistance payments) වටිනාකම අඩු වී ඇතිබව වාර්තාවක් පෙන්වා දී තිබේ. උද්ධමනයට සාපේක්ෂව වැඩි වේගයකින් නිවාස කුලී මිල ගණන් ඉහල යන බවත්, මේ නිසා 2008 වසරේ සිට මේ දක්වා ක්‍රමක්‍රමයෙන් නිවාස කුලී සහනයේ වටිනාකම අඩු වී ඇති බවත් මෙම වාර්තාව පෙන්වා දී තිබේ. ඕස්ට්‍රේලියානුවන්ට නිවසක ජීවත්වීමේ අයිතිය තහවුරු කිරීමේ අරමුණින් ෆෙඩරල් රජය ආරම්භ කල national affordable housing agreement වැඩසටහනට රජයේ දායකත්වයද සැලකිය යුතු ලෙස අඩු වී ඇති බව වාර්තා පෙන්වා දෙන කාරණයක්. 2011 -12 මුල්‍ය වර්ෂය තුල ෆෙඩරල් රජය ඒ සදහා ඩොලර් බිලියන 2.2ක් ලබාදුන් අතර පසුගිය මුල්‍ය වර්ෂයේ එය ඩොලර් බිලියන 1.8ක් දක්වා අඩු වී ඇති බව සදහන්.
රජයේ සේවාවන් පිලිබදව ඕස්ට්‍රේලියානු පලදායිථා කොමිසමේ වාර්තාවට අනුව 1,345,983 පිරිසක් රජයේ කුලී සහන දීමනා ලබන බව සදහන්. 2016 වසරට අදාල මෙම දත්ත අනුව සති දෙකකට වරක් හිමිවන මෙම දීමනාව ඩොලර් 130ක් බව සදහන්. දත්ත වලට අනුව සිඩ්නි නුවර නිවසක සාමාන්‍ය කුලිය සති දෙකකට ඩොලර් 500ක් බව සදහන්. මෙය Perth සහ Darwin නගරවල ඩොලර් 480ක් , Australian Capital Territory හී ඩොලර් 460ක් , Brisbane නුවර ඩොලර් 468ක් , Melbourne නුවර ඩොලර් 380ක්, Adelaide නුවර ඩොලර් 43ක් සහ Hobart නුවර ඩොලර් 400ක් වශයෙන් සදහන් වේ.
රජයේ නිවාස කුලී සහන දීමනා ලබන සමහරක් පිරිස් තම අදායමෙන් සියයට 41.2ට ආසන්න මුදලක් වැය කරන්නේ තම නිවාස කුලිය සදහා බව වාර්තා පෙන්වා දෙන තවත් වැදගත් කරුණක්.
ෆෙඩරල් රජය national affordable housing agreement වැඩසටහනට ලබාදෙන දායකත්වය මෑත කාලීනව අඩු වී ඇති බව පෙන්නුම් කලද, ෆෙඩරල්, ප්‍රාන්ත සහ ටෙරටරි රජයන් සමාජ සේවාවන් සදහා 2015-16 මුල්‍ය වර්ෂය තුල වැය කර ඇති මුදල ඩොලර් බිලියන 30.7ක්. මෙය සමස්ත රාජ්‍ය වියදමෙන් 10% ක් බව සදහන්.
ළමුන් සදහා සැපයෙන සහන, වැඩිහිටි සුරැකුම් සේවා සදහා සැපයෙන සහන , තරුණ පුනරුත්ථාපන කටයුතු සදහා රජය දරන වියදම්, වෘත්තීය පුහුණු කටයුතු සහ රැකියා සහන සේවාවන් මෙම සමාජ සේවාවන් වලට ඇතුලත්.
නමුත් 2011-12 මුල්‍ය වර්ෂය තුල රජය සමාජ සේවාවන් සදහා වැය කර ඇති මුදල ඩොලර් බිලියන 25.9ක් බව සදහන්.
