کوڈ-19 کے زمانے نے دفاتر کے بجائے گھروں سے کام کرنے کے رحجان میں اضافہ کیا تھا۔ مگر شائید اب اس رحجان کی حوصلہ شکنی کا وقت آگیا ہے۔ایک نئی تحقیق سے پتہ چلتا ہے کہ آسٹریلیا میں بزنس مالکان اور منیجرز ایسے ملازمین کی تنخواہ کم کرنے کا منصوبہ بنا رہے ہیں جو گھر سے کام کرتے رہتے ہیں، منصوبے کا مقصد لوگوں کودفاتر میں واپس لانا ہے۔
فیوچر آف ورک کی رپورٹ کے مطابق، قانونی فرم ہربرٹ اسمتھ فری ہلز کچھ کمپنیوں کے لئے اس منصوبے پر کام کر رہی ہیں جس کا مقصد ایسی مراعات دینا ہیں جس کے باعث لوگ گھر کے بجائے دفتر کی کرسی پر نظر آئیں۔ لوگوں کو کام کی جگہ پر واپس لانے کے لیے مراعات کا استعمال کرنے کی کوشش کے بجائے سختی کرنے والی کمپنیاں دوسری طرح سوچ رہی ہیں۔ کئی ایسی کمپنیاں سخت گیر نقطہ نظر اپنانے کی منصوبہ بندی کر رہی ہیں رہی ہیں۔جن میں گھر سے کام کرنے والوں کے لئے مراعات یا تنخواہوں میں کمی کی تجویز بھی شامل ہے۔
پرتھ کے لارڈ میئر باسل زیمپیلاس نے چینل سیون کو بتایا کہ وہ اس بات سے متفق ہیں کہ لوگوں کو دفتر میں واپس آنے کی ضرورت ہے۔
انہوں نے کہا کہ وہ کافی عرصے سے کہہ رہے ہیں کے ملازمین کے کام کی بہترین جگہ دفتر پر ہے۔
"کسی خاص وجہ سے کسی دن گھر سے کام کرنا ، کام اور گھریلو زندگی میں توازن کے لئے ضروری ہو سکتا ہے مگر ہر روز نہیں اور ہفتے میں دو دن نہیں؛ کام پر آئیں، کام کریں۔ اسی کے لیے آپ ملازمت پر ہیں۔
"آپ کو جو کام ملا ہے وہ دفتر سے کام کے لئے ہے تو اس کا مطلب یہ ہے کہ کام کو اچھی طرح سے کرنے کی بہترین جگہ دفتر میں ہے۔"
مزید جانئے
گھر سے کام کتنا آسان کتنا مشکل !!!!
____________
§ پوڈکاسٹ کو سننے کے لئے نیچے دئے اپنے پسندیدہ پوڈ کاسٹ پلیٹ فارم سے سنئے:
