Key Points
- වයසින් අඩු සේවකයින් සඳහා වන මෙම Junior Wages වැටුප් තලය අහෝසි කිරීම හරහා මෙම සේවකයින් හට ආර්ථික වශයෙන් විශාල සහනයක් ලැබෙනු ඇති බවට Australian Council Of Trade Unions (ACTU) හි මතය වී ඇත.
- වයස අවුරුදු 21 ක් වන සේවකයකුගේ පැයක වැටුප $29.04ක් වන අතර එම රකියාවේම නියුතු වයස අවුරුදු 18ක් වන සේවකයකු සඳහා ලැබෙන වැටුප $16.26ක් වේ
- සේවකයින් සහ සේවායෝජකයා යන දෙපාර්ශවයටම සාධාරණ වූ විසඳුමකට පැමිණීම මෙහිදී අත්යවශ්ය බව ඕස්ට්රේලියානු සිල්ලර වෙළඳාම් සංගමයේ Paul Zahra පෙන්වා දෙනවා.
වයස අවුරුදු 18ත් 20ත් අතර වයසේ පසුවන සේවකයින් සඳහා වන අවම වැටුප තලය Junior Wages ලෙස හැඳින්වෙනවා. මෙහිදී අවුරුදු 18 ත් 20ත් අතර සේවකයින්ට සඳහා එම රැකියාවේ නියුතු අවුරුදු අවුරුදු 21ට වඩා වැඩි සේවකයින්ට වඩා අඩු වැටුපක් ගෙවීමේ නීත්යානු කූල හැකියාව වියාපාර වලට පවතිනවා.
තරුණ සේවකයින් ශ්රම බලකායට තම උපරිම දායකත්වය ලබාදීමට සැදී පැහැදී සිටියත් පවතින වැටුප් විෂමතාවය එයට බාදාවක් වී ඇති බව Joseph Mitchell පෙන්වා දෙනවා.
වර්තමානයේ පවතින මෙම ගැටලුව පිලිබඳ කරුණු විමසා බැලීම වැදගත් වේ.
වයස අවුරුදු 21 ක් වන සේවකයකුගේ පැයක වැටුප $29.04ක් වන අතර එම රකියාවේම නියුතු වයස අවුරුදු 18ක් වන සේවකයකු සඳහා ලැබෙන වැටුප $16.26ක් වේ. වයසින් අඩු සේවකයින් සඳහා අඩු වැටුප් තලයක් පැවතීම අහෝසි කිරීම හරහා මෙම සේවකයින් හට ආර්ථික වශයෙන් විශාල සහනයක් ලැබෙනු ඇති බවට Australian Council Of Trade Unions එනම් ACTU හි Joseph Mitchell පෙන්වා දෙනවා.
වයස 18ට වැඩි සියලුදෙනා සියලු වරප්රසාද හිමි වැඩිහිටියන් ලෙස ඕස්ට්රේලියාවේ සලකන අතර වැටුප් පිරිනැමීමේදී පමණක් ඔවුන් අසාධාරණයට ලක්වන බව Joseph පෙන්වා දෙනවා.
වයස අවුරුදු 17දී සේවය ආරම්භ කල Jenny ඇයගේ ආරම්භක වැටුප $16ක් වූ බව පවසා තිබුනා. ඉතුරුම් කිරීමට හෝ තම ජීවන වියදම් පියවාගැනීමට මෙම වැටුප ප්රමාණවත් නොවූ බව ඇය පෙන්වා දෙනවා.
සේවකයින්ට මෙන්ම සේවායෝජකයා යන දෙපාර්ශවයටම සාධාරණ වූ විසඳුමකට පැමිණීම මෙහිදී අත්යවශ්ය බවත් ඕස්ට්රේලියානු සිල්ලර වෙළඳාම් සංගමයේ Paul Zahra පෙන්වා දෙනවා.
වුර්තීය සමිති විසින් මෙම වැටුප් විෂමතාවය ඉතාම අසාධාරණ තත්වයක් ලෙසට පෙන්වා දෙනවා. මෙම වැටුප් විෂමතා ගැටලුව නිරාකරණය කිරීමට ඔවුන් දැඩි උත්සාහයක නිරත වනවා. මෙහිදී මෙම තරුණ සේවකයින් ශ්රම බලකායට තම උපරිම දායකත්වය ලබාදීමට සැදී පැහැදී සිටියත් පවතින වැටුප් විෂමතාවය එයට භාදාවක් වී ඇති බව Joseph Mitchell පෙන්වා දෙනවා.
නවසීලන්තය, කැනඩාව, දකුණු කොරියාව සහ බෙල්ජියම යන රටවල් මෙම junior wages අහෝසි කර හෝ සීමා සහිත කිරීමට කටයුතු කර තිබෙනවා.
මෙහිදී මෙම වටුප් තල ගැටලුවට විසඳුම් සෙවීමේදී ඉතා කල්පනාකාරී වියයුතු බවත් සේවකයින්ට මෙන්ම සේවායෝජකයා යන දෙපාර්ශවයටම සාධාරණ වූ විසඳුමකට පැමිණීම මෙහිදී අත්යවශ්ය බවත් ඕස්ට්රේලියානු සිල්ලර වෙළඳාම් සංගමයේ Paul Zahra පෙන්වා දෙනවා.
ඕස්ට්රේලියාවේ Fairwork කොමිසම 2025 වසර වනවිට මෙම වැටුප් තලය අහෝසි කිරීමේ ගැටලුව විභාග ගත කිරීමට නියමිත වී තිබෙනවා. මේ සඳහා ඉතා දිගු කලක් ගත වුවත් මෙම කර්තව්ය සඳහා තමන් කැපවී සිටින බව වෘත්තීය සමිති පවසා සිටිනවා.
වෘත්තීය සමිති, තරුණ සේවකයින් සහ සේවා යෝජකයන් යන සියල්ලන්ම අතර මෙම වැටුප් විෂමතාවය පිලිබඳ විවාදය දිගටම පවතී. Fairwork කොමිසම වෘත්තීය සමිති ඉදිරිපත් කර ඇති මෙම ගැටලුව සලකා බලන තෙක් මෙම ගැටලුව දිගටම පවතිනු ඇත. ඕස්ට්රේලියාව තරුණ සේවකයින් සඳහා වඩාත් සාධාරණ වැටුප් ලබාදීමේ ක්රමවේදයක් ඇතිවීද , නැතහොත් මෙම අඩු වැටුප් පිරිනමන Junior wages රැකියා ක්ෂේත්රයේම කොටසක් ලෙස දිගටම පවතිනු ඇත්ද යන්න පිලිබදව ඉදිරියේදී අපට දැන ගැනීමට හැකිවනු ඇත.
********************************************************************************
ඕස්ට්රේලියාවේ කාලීන තොරතුරු ඇතුලත් SBS සිංහල සේවයේ කෙටි පොඩ්කාස්ට් වලට සවන් දීමට, Apple Podcasts, Google Podcasts, Spotify, හෝ ඔබ කැමති වෙනත් පොඩ්කාස්ට් මාධ්යයකට පිවිස SBS සිංහල ලෙස සර්ච් කරන්න.
*********************************************************************************
- SBS සිංහල ගුවන්විදුලියට සවන්දිය හැකි ආකාර පිළිබඳ විස්තර
- SBS සිංහල වෙබ් අඩවියට පිවිසෙන්න
- SBS සිංහල Facebook පිටුවට පිවිසෙන්න