ਇੱਕ ਨਵੇਂ ਦੇਸ਼ ਵਿੱਚ ਪਰਵਾਸ ਕਰਨ ਉਪਰੰਤ ਵੱਡੇ ਸੱਭਿਆਚਾਰਕ ਬਦਲਾਅ ਅਤੇ ਘਰ ਤੋਂ ਵਿਛੋੜੇ ਦੇ ਅਹਿਸਾਸ, ਜਾਂ ਭਾਸ਼ਾ ਦੀਆਂ ਰੁਕਾਵਟਾਂ ਦੁਆਰਾ ਪੈਦਾ ਹੋਈਆਂ ਮੁਸ਼ਕਲਾਂ ਦੇ ਤਣਾਅ ਤੋਂ ਪਰੇ, ਬਹੁਤ ਸਾਰੇ ਪ੍ਰਵਾਸੀ ਠੋਸ ਭਾਵਨਾਤਮਕ ਅਹਿਸਾਸ ਦਾ ਅਨੁਭਵ ਕਰਦੇ ਹਨ ਜੋ ਕਿ ਉਹਨਾਂ ਦੀ ਤੰਦਰੁਸਤੀ ਅਤੇ ਸਬੰਧਾਂ ਉੱਤੇ ਡੂੰਘਾ ਅਸਰ ਪਾ ਸਕਦੇ ਹਨ।
ਬਿਓਂਡ ਬਲੂ ਦੇ ਕਲੀਨਿਕਲ ਲੀਡ ਡਾ. ਗ੍ਰਾਂਟ ਬਲਾਸਕੀ ਕਹਿੰਦੇ ਹਨ ਕਿ ਪ੍ਰਵਾਸੀ ਸੋਗ ਅਣਗਿਣਤ ਤਰੀਕਿਆਂ ਨਾਲ ਪ੍ਰਗਟ ਹੋ ਸਕਦਾ ਹੈ।
ਡਾ ਬਲਾਸਕੀ ਦੱਸਦੇ ਹਨ ਕਿ ਪ੍ਰਵਾਸੀਆਂ ਨੂੰ ਅਕਸਰ ਇੱਕੋ ਸਮੇਂ ਕਈ ਤਰ੍ਹਾਂ ਦੇ ਨੁਕਸਾਨਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਹ ਨਵੇਂ ਦੇਸ਼ ਵਿੱਚ ਪਹੁੰਚਣ ਤੋਂ ਥੋੜ੍ਹੀ ਦੇਰ ਬਾਅਦ ਹੋਰ ਤੀਬਰਤਾ ਨਾਲ ਮਹਿਸੂਸ ਕੀਤਾ ਜਾ ਸਕਦਾ ਹੈ।
ਉਰੂਗਵੇ ਵਿੱਚ ਜਨਮੇ ਕਲੀਨਿਕਲ ਮਨੋਵਿਗਿਆਨੀ ਜੋਰਜ ਅਰੋਚੇ ਐੱਨਐੱਸਡਬਲਿਊ ਸਰਵਿਸ ਫਾਰ ਟਰੀਟਮੈਂਟ ਐਂਡ ਟਰਾਮਾ ਸਰਵਾਈਵਰਜ਼ (STARTTS) ਦੇ ਇਲਾਜ ਅਤੇ ਮੁੜ ਵਸੇਬੇ ਦੇ ਸੀਈਓ ਹਨ, ਇਹ ਇੱਕ ਅਜੇਹੀ ਸੰਸਥਾ ਹੈ ਜੋ ਕਿ ਆਸਟ੍ਰੇਲੀਆ ਵਿੱਚ ਆਉਣ ਵਾਲੇ ਸ਼ਰਨਾਰਥੀਆਂ ਨੂੰ ਮਾਨਸਿਕ ਸਿਹਤ ਸਹਾਇਤਾ ਪ੍ਰਦਾਨ ਕਰਦੀ ਹੈ।
Sad and depressed woman using smartphone at home. Source: Moment RF / Maria Korneeva/Getty Images
ਉਹ ਕਹਿੰਦੇ ਹਨ ਕਿ ਖਾਸ ਤੌਰ 'ਤੇ ਸ਼ਰਨਾਰਥੀਆਂ ਵਿੱਚ, ਇੱਕ ਬਚੇ ਹੋਏ ਵਿਅਕਤੀ ਦੇ ਦੋਸ਼ ਜਾਂ ਕਲੰਕ ਕਾਰਨ ਆਪਣੇ ਦੁੱਖ ਨੂੰ ਖੁੱਲ੍ਹ ਕੇ ਪ੍ਰਗਟ ਕਰਨ ਵਿੱਚ ਅਸਮਰੱਥ ਹੋਣਾ ਉਦਾਸ ਮਹਿਸੂਸ ਕਰਨ ਦਾ ਇੱਕ ਹੋਰ ਮੁੱਦਾ ਪੈਦਾ ਹੋ ਸਕਦਾ ਹੈ।
ਭਾਰਤ ਵਿੱਚ ਜਨਮੇ ਆਰ-ਯੂ-ਓਕੇ ਚੇਅਰ ਕਮਲ ਸ਼ਰਮਾ ਰੀਜ਼ਾਇਲਮ ਦੇ ਸੀਈਓ ਹਨ, ਜੋ ਕਿ ਇੱਕ ਸਲਾਹਕਾਰ ਫਰਮ ਹੈ ਜੋ ਰਣਨੀਤਕ ਅਗਵਾਈ ਅਤੇ ਲਚਕੀਲੇਪਣ ਦੀ ਸਿਖਲਾਈ ਦੀ ਪੇਸ਼ਕਸ਼ ਕਰਦੀ ਹੈ।
ਉਹ ਕਹਿੰਦੇ ਹਨ ਕਿ ਜਦੋਂ ਉਹ ਪਹਿਲੀ ਵਾਰ ਆਸਟ੍ਰੇਲੀਆ ਆਇਆ ਸੀ, ਉਸਨੂੰ ਇਹ ਸਮਝਣ ਵਿੱਚ ਮੁਸ਼ਕਲ ਆਈ ਸੀ ਕਿ ਉਹ ਕਿੱਥੇ ਫਿੱਟ ਹੋ ਸਕਦਾ ਹੈ।
ਸਮੇਂ ਦੇ ਨਾਲ, ਉਸਨੇ ਆਪਣੀ ਪਛਾਣ ਨੂੰ ਸਵੀਕਾਰ ਕਰਕੇ ਵਿਸਥਾਪਨ ਦੀਆਂ ਭਾਵਨਾਵਾਂ ਨਾਲ ਸਿੱਝਣਾ ਸਿੱਖ ਲਿਆ।
Credit: Ariel Skelley/Getty Images
ਮਾਨਸਿਕ ਸਿਹਤ ਮਾਹਿਰਾਂ ਦਾ ਕਹਿਣਾ ਹੈ ਕਿ ਕੁਝ ਪ੍ਰਵਾਸੀ ਲਗਾਤਾਰ ਅਨਿਸ਼ਚਿਤਤਾ ਅਤੇ ਮਿਸ਼ਰਤ ਭਾਵਨਾਵਾਂ ਦਾ ਅਨੁਭਵ ਕਰਦੇ ਹਨ, ਜੋ ਕਿ ਮਹੱਤਵਪੂਰਣ ਜੀਵਨ ਫੈਸਲੇ ਲੈਣ ਵਿੱਚ ਦੇਰੀ ਵਿੱਚ ਯੋਗਦਾਨ ਪਾ ਸਕਦੇ ਹਨ, ਜੋ ਕਿ ਉਹਨਾਂ ਦੀ ਭਵਿੱਖ ਦੀ ਸਥਿਰਤਾ ਵਿੱਚ ਰੁਕਾਵਟ ਬਣ ਸਕਦੀ ਹੈ।
ਉਹਨਾਂ ਦੇ ਸਮਰਥਨ ਨੈਟਵਰਕ ਦੀ ਘਾਟ ਅਕਸਰ ਇਕੱਲੇਪਣ, ਚਿੰਤਾ ਅਤੇ ਚਿੜਚਿੜੇਪਨ ਦੀਆਂ ਭਾਵਨਾਵਾਂ ਨੂੰ ਵਧਾ ਦਿੰਦੀ ਹੈ।
ਇੱਕ ਮੋਂਕ ਵਜੋਂ ਸਿਖਲਾਈ ਲੈਣ ਵਾਲੇ ਕਮਲ ਸ਼ਰਮਾ ਦਾ ਕਹਿਣਾ ਹੈ ਕਿ ਜਿੱਥੇ ਤੁਸੀਂ ਰਹਿੰਦੇ ਹੋ ਓਥੋਂ ਦੇ ਸਥਾਨਕ ਸੱਭਿਆਚਾਰ ਵਿੱਚ ਹਿੱਸਾ ਲੈਣਾ ਅਤੇ ਏਕੀਕ੍ਰਿਤ ਹੋਣ ਦਾ ਤਰੀਕਾ ਲੱਭਣਾ ਇਹਨਾਂ ਮੁੱਦਿਆਂ ਨੂੰ ਦੂਰ ਕਰਨ ਦਾ ਇੱਕ ਖਾਸ ਤਰੀਕਾ ਹੈ। ਉਸਦੇ ਕੇਸ ਵਿੱਚ, ਉਸਨੇ ਟੀਮ ਖੇਡਾਂ ਵਿੱਚ ਸ਼ਮੂਲੀਅਤ ਦੁਆਰਾ ਅਜਿਹਾ ਕੀਤਾ।
Source: Moment RF / Alexander Spatari/Getty Images
ਬਿਓਂਡ ਬਲੂ ਦੇ ਡਾਕਟਰ ਬਲਾਸਕੀ ਦੱਸਦਾ ਹੈ ਕਿ ਹਾਲਾਂਕਿ ਪ੍ਰਵਾਸੀਆਂ ਵਿੱਚ ਨੁਕਸਾਨ ਦੇ ਲੱਛਣ ਅਕਸਰ ਆਉਂਦੇ ਜਾਂਦੇ ਹਨ ਅਤੇ ਕਈ ਸਾਲਾਂ ਤੱਕ ਚੱਲ ਸਕਦੇ ਹਨ, ਲੰਬੇ ਸਮੇਂ ਤੱਕ ਸੋਗ ਜਿਸ ਦੀ ਜਾਂਚ ਨਹੀਂ ਕੀਤੀ ਜਾਂਦੀ ਹੈ ਉਹ ਕੁਝ ਹੋਰ ਗੰਭੀਰ ਹੋ ਸਕਦਾ ਹੈ।
ਜੇਕਰ ਤੁਸੀਂ ਉਨ੍ਹਾਂ ਗੰਭੀਰ ਲੱਛਣਾਂ ਤੋਂ ਪੀੜਤ ਹੋ, ਤਾਂ ਆਪਣੇ ਜੀਪੀ ਕੋਲ ਜਾਓ ਜਾਂ ਕਿਸੇ ਮਾਨਸਿਕ ਸਿਹਤ ਹੌਟਲਾਈਨ, ਜਿਵੇਂ ਕਿ ਲਾਈਫਲਾਈਨ, ਜਾਂ ਬਿਓਂਡ ਬਲੂ 'ਤੇ ਕਾਲ ਕਰੋ।
ਹਾਲਾਂਕਿ, ਮਾਨਸਿਕ ਸਿਹਤ ਮਾਹਰ ਕਹਿੰਦੇ ਹਨ ਕਿ ਲੋੜ ਪੈਣ 'ਤੇ ਆਪਣੇ ਆਪ ਨੂੰ ਆਪਣੇ ਨੁਕਸਾਨ ਨੂੰ ਮਹਿਸੂਸ ਕਰਨ ਅਤੇ ਸਮਝਣ ਦੀ ਇਜਾਜ਼ਤ ਦੇਣਾ ਵੀ ਮਹੱਤਵਪੂਰਨ ਹੈ।
Credit: Mike Powell/Getty Images
ਜੇ ਤੁਹਾਨੂੰ ਭਾਵਨਾਤਮਕ ਸਹਾਇਤਾ ਦੀ ਲੋੜ ਹੈ, ਤਾਂ ਤੁਸੀਂ 13 11 14 'ਤੇ ਲਾਈਫਲਾਈਨ ਨਾਲ ਸੰਪਰਕ ਕਰ ਸਕਦੇ ਹੋ ਜਾਂ 1800 22 46 36 'ਤੇ ਬਿਓਂਡ ਬਲੂ ਨਾਲ ਸੰਪਰਕ ਕਰ ਸਕਦੇ ਹੋ।
