Mark Butler uas yog tus nom tswj dej num noj qab haus huv hais tias tsoom fwv teb chaws yeej tseem tsis tau npaj tias yuav muab cov kev rho hniav teev ntxiv nrog rau cov Medicare sai sai no.
Thiaj li tau muaj tej ncauj lug no tom qab tau muaj xov xwm qhia tias tau muaj ib cov nom ntawm pab nom Labor txhawb nqa kom ua li hais ntawd.
Rau qhov tias yog tej neeg Australia ib tug twg teem caij mus ntsib kws rho hniav thiab mus txheeb xyuas tej hniav los yog kaus zeb taub txuab tawm ntawm tej hniav xwb ces twg yuav tau them nyiaj txij li ntawm $200 txog $250 lawm.
Mr Butler thiaj tau qhia rau ABC Radio Melbourne tias tam sim no ces lub tuam chav tswj dej num noj qab haus huv yuav xub kub siab ua lwm yam hauj lwm ua ntej tso.
Nws hais tias "Cov kev kho thiab rho hniav yeej yog ib co hauj lwm tseem ceeb tab sis yeej tsis yog ib co hauj lwm ntawm tus tsoom fwv Gough Whitlam thaum nws tsim Medibank siv los sis yog ib co hauj lwm ntawm tus tsoom fwv Bob Hawke thaum nws tsim Medicare siv uas twb tau 40 xyoo txij ntawd los lawm. Tab sis kuj yog tej yam uas ua rau tej neeg muaj txoj kev txhawj xeeb los ntev thiab yeej xav kom muab cov kev rho hniav no teev nrog cov Medicare thiab. Tab sis tsis yog tej yam uas peb yuav muaj peev xwm ua tau rau sai sai tom ntej no.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
