Cov kev rho hniav rau tej neeg txom nyem siv

Lub koom haum Australian Dentists Association tau nqua hu kom tsoom fwv Australia tsim ib cov program rho hniav coj los pab rau tej neeg pab tsis tau lawv tus kheej tau siv.

An orthodontist showing a patient an x-ray of her teeth while working with her assistant in a modern dental surgery. Credit: Tom Werner/Getty Images

Lub koom haum sawv cev rau tej kws rho hniav (Australian Dentists Association) nqua hu kom tsoom fwv teb chaws Australia tsim ib cov kev rho hniav pab rau ib cov neeg tsi ntsees li tej laus, tej neeg puas cev, tej neeg txum tim thiab tej neeg xav tau txais kev rho kiag tam sid, nrog rau tej neeg txom nyem nyiaj txiaj kom tej neeg no thiaj tau txais kev noj qab nyob zoo.

Dr Scott Davis uas yog tus coj lub koom haum Australian Dental Association tau hais tias 'yeej paub los ntev tias yeej tsis tau nyiaj txaus pab rau tej hauj lwm rho hniav no thiab muaj tej neeg xav tau cov kev rho hniav no siv coob heev.'

Tej nyiaj tsoom fwv pab rau Australia cov public deantal care system tam sim no tsuas pab tau tej neeg muaj cai siv cov services no txog 30 feem pua xwb, thiab yuav tau tos ntev yam tsawg li ib lub xyoos mam tau rho hniav, ces thiaj ua rau tej neeg feem coob ntawm Australia no yuav tau siv tej chaw rho hniav ntiav uas yuav tau them nqe rho hniav kim heev uas lawv them tsis taus.

Ms Kate Paul cov kev yuav tau them nqe rho hniav rau nws tus tub ze txog AUD 5,000 thiaj ua rau nws hais tias 'zoo li muaj teeb meem loj kawg nkaus rau Australia cov kev rho hniav.'

Dr Lesley Russell ntawm lub koom haum Menzies Centre for Health Policy thiaj hais tias 'thaum saib ib tug neeg twg tej kaus hniav lawm ces yuav paub tias nws puas tau lub neej zoo, puas khwv tau nyiaj zoo, puas tau hauj lwm ua thiab paub tias nyob rau tej chaw twg lawm, tsis tas li ntawd los yeej tseem pom tias tej me nyuam kaus hniav to qhov los tsis tau mus ntsaws, tej neeg mob kaus hniav los tseem muaj qho tus yuav rau rho lawv tus kaus hniav kheej xwb thiab vim tsis muaj peev xwm siv tau cov kev rho hniav los yog tsis muaj peev xwm them tau tej nqe rho hniav uas kim heev.'

Dr Russell thiaj qhia tias yeej tau muaj cov kev nqua hu los ntev kom muab cov dental care tso nrog cov Medicare kom tej neeg tau siv cov kev rho hniav no, los vim tias 'yuav tau siv nyiaj txog li ntawm AUD 10 billion rau ib lub xyoos twg, ces tsoom fwv thiaj tsis tshua xav xyuas tej hauj lwm no, vim tej neeg yuav tau them medicare levy kim ntxiv los yog yuav tau siv tej nyiaj private health insurance rebate ntawd'.

Yog li ntawd Dr Davis uas yog tus coj lub koom haum rho hniav ntawm Australia thiaj xav kom yuav tau tsim cov program rho hniav pab rau tej laus neeg li ntawm AUD 100 million kom tej neeg no thiaj tau siv, 'vim yeej tseem tsis tau muaj neeg nkag siab zoo tias ...yog mob hniav lawv yuav muaj lwm yam mob cuam tshuam li mob plawv, hlab plawv, mob raum, mob pob qej txha, ntshav qab zib tau thiab yog tias tsis tau txais kev noj qab nyob zoo rau tej kaus hniav thiab qhov ncauj.'

Txawm li cas los tsev kis xeev siab tseem tab tom txheeb tej kev rho hniav no lawm thiab mam li coj los cej luam qhia rau zejtsoom paub rau lub ob hlis ntuj xyoo 2024 no.

Ces thiaj ua rau Dr Davis cia siab tias 'cov kev txheeb tau cov kev siv kev rho hniav no yuav yog tej yam qhia rau tsoom fwv teb chaws tias tsim nyog tsim cov kev rho hniav no siv, thiab qhia kom tsoom fwv kub siab ceev nrooj nrog daws tej teeb meem no kiag, ua yuav pab tsoom fwv txuag tau nyiaj ntev ntxiv tuaj.'

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.