Twb yuav txog Australia lub caij hav zoov kub hnyiab, thiab tej xwm txheej huab cua kub sov thiab qhuav rau ntau lub hli ntxiv no, thiab kuj kwv yees tias tej zaum yuav yog ib lub caij uas raug kev phom sij thiab.
Tsis yog tias tej neeg ntawm tej chaw yaj sab uas yuav raug teeb meem xwb — yog tias koj nyob rau ntawm los yog nyob ze ib thaj hav zoov los yog tej tiaj nyom los sis tej ntug hiav txwv uas muaj tej nrog tsuag xyoob ntoo ntau, ces tsim nyog koj npaj ib lub tswv yim tseg los pab kom koj tau txais kev nyab xeeb.
Nod yog yuav npaj li cas thiab yuav tau ua dab tsi yog tias muaj ib kob hav zoov kub hnyiab ze koj.
Npaj emergency fire plan
Yuav tau npaj kom txhij ua ntej yuav pib lub caij uas tej zaum yuav muaj hav zoov kub hnyiab uas tej zaum yuav ua rau muaj teeb meem rau loj lub tsev.
Thawj yam ntawm ntau yam uas tsim nyog koj ua ntawd ces npaj ib lub tswv yim tias yuav tau ua dab tsi yog tias muaj ib kob hav zoov kub hnyiab ze koj thiab ua tib zoo xyuas kom txhua tus ntawm koj tsev neeg paub txog lub tswv yim no.
Tej nom tswv xeev uas tswj thiab tua hluav taws yeej muaj cov qauv tswv yim ntawm lawv tej vas sab pab koj thiab yuav tau ua dab tsi, piv txwv li:
- Muaj tej cim (sign) li cas yuav tau tsiv tawm (Piv txwv li: nco pa taws ntawm thaj chaw ntawd, los yog paub tias muaj ib thaj hav zoov kub hnyiab ze koj)
- Yuav nqa dab tsi nrog koj mus
- Yuav mus rau qhov twg
- Yuav mus li cas rau thaj chaw ntawd
- Yuav mus rau txoj kev twg, los yog puas muaj lwm txoj kev uas yus mus tau yog tias twb muaj ib kob hluav taws kub hnyiab ntawm thaj chaw ntawd lawm.
- Thiab ho yuav ua dab tsi yog tias yus tsis muaj peev xwm tsiv tawm ntawm yus thaj chaw mus lawm.
Cov kev tsiv tawm thaum ntxov ntawm yus thaj chaws mus rau lwm qhov yog ib txoj xub ke uas tau txais kev nyab xeeb tshaj plaws.
Tsis hais ib tug twg li yog tias txiav txim siab nyob thiab pov puag yus lub tsev yuav tsum tau ua tib zoo xyuas kom npaj yus lub cev thiab npaj yus cov kev xav kom zoo, xyuas kom muaj tej twj tua hluav taws txaus siv, thiab npaj yus lub tsev kom txhij thiab kom yus lub tsev muaj peev xwm ntxeem dhau tej xwm txheej kub hnyiab.
Yog tias hnub ntawd ho yog hnub uas muaj cov kev ceeb toom tias yog hnub Catastrophic fire danger rating day los yog Extreme fire danger day thiab yus lub tsev ho tsis yog tej tsev tsim tau uas yuav muaj peev xwm tiv thaiv tau tej hluav taws kub hnyiab, ces tej nom tswv taw qhia kom yus tsis txhob nyob ntawm tsev (Tsiv tawm mus rau lwm thaj chaw).
Npaj yus lub tsev
Yus lub tsev yuav muaj cib fim ntxeem dhau ntawm ib kob hav zoov kub hnyiab los yog tej tw hluav taws kub hnyiab uas ya rau lwm qhov dua yog tias yus ua tib zoo npaj yus lub tsev.
Qee yam yooj yim uas yus muaj peev xwm ua tau los npaj yus lub tsev kom tsis txhob raug kub hnyiab li:
- Tus tej kwj tse los yog ciav dej ntawm yus lub tsev kom huv si.
- Txiav tej nyom kom tsuas sib li 10 cm los yog kom qes tshaj ntawd.
- Txiav tej ceg ntoo uas pheej hla mus pheeb rau yus lub tsev los yog txiav tej nroj tsuag xyoob ntoo uas zes yus lub tsev tawm.
- Tshem ib yam khoom dab tsi uas yuav txais taws los yog tej khoom ib puag ncig yus lub tsev tawm li tej rooj tog nraum zoov, tej ntau tiag taw ntawm qhov rooj, tej pawg ntoo, tej nroj qhuav, tej nplooj los yog tawv ntoo tawm.
- Ua tib zoo xyuas kom yus muaj ib txoj hlua txuag dej los yog ntau txoj hlua txuag dej uas cab tau thoob ib puab ncig yus lub tsev siv.
Npaj tej khoom siv rau lub caij xwm txheej ti tes ti taw
Cov kev npaj tej khoom no txhij thiab khaws cia rau ib qho chaw uas muaj peev xwm nqa tau kiag yooj yim yuav pab kom yus muaj peev xwm tsiv tawm kiag tau sai yog tias yus yuav raug kev phom sij ntawm ib kob hav zoov kub hnyiab.
Tej khoom uas tsim nyog yus npaj muaj li no:
- Tej khaub ncaws hnav pov puag yus thiab tej khaub ncaws hloov
- Zaub mob thiab dej haus
- Ib lub xov tooj tes (Mobile phone) thiab txoj hlua sam hluav taws xob
- Nyiaj ntsuab, bank card thiab credit card
- Npaj tej pam rwb plaub yaj.
- Npaj ib pob first aid kit, tshuaj noj thiab tej twj siv chav plob
- Tej ntau ntawm tseem ceeb, duab, tej khoom muaj nqe li: passport, daim ntawv faib cuab tam, ntawv insurance
- Ib xov tooj cua rau roj teeb, teeb tsom, thiab npaj ib co roj teeb siv
- Yus tej kws kho mob, tsev kho mob zos, nom tswv zos, thiab tej tuam txhab hluav taws xob thiab tuam txhab muag dej tej xov tooj.
Soj qab taug lw seb tej xwm txheej kub hnyiab ntawd puas yuav tsim tau kev phom sij li cas rau yus
Cov theem phom sij ntawm tej xwm txheej kub hnyiab rau cov hnub uas tej zaum yuav kub tau hnyiab ntawd yuav pab qhia rau yus tias yog muaj hav zoov kub hnyiab yuav raug kev phom sij npaum li cas.
Muaj cov theem ceeb toom li no:
- Moderate - npaj tswv yim thiab npaj
- High - npaj kom txhij seb yuav ua ib yam dab tsi li cas
- Extreme - yuav tau ua kiag ib yam dab tsi kiag tam sim no thiaj pov puag tau koj txoj sia thiab koj lub tsev
- Catastrophic - tawm ntawm tej chaw yuav raug kub hnyiab thiaj yuav dim
Thiab yog thaum tau muaj ib kob hav zoov kub hnyiab lawm ces yuav muaj ib co kev ceeb toom txog tej xwm txheej kub hnyiab no kom yus paub tias tej zaum yuav muaj cov theem phom sij li cas rau yus.
Nod yog cov kev ceeb toom:
- Advice (Kob daj) - ces yog qhia tias muaj ib co xwm txheej tau pib tshwm sim lawm. Tab sis tseem tsis tau raug kev phom sij kiag tam sim ntawd. Thiab yuav tau soj qab taug lwm tias seb tej xwm txheej kub hnyiab ntawd ho muaj cov kev pauv hloov li cas lawm.
- Watch and Act (Kob txiv kab ntxwv) - yeej qhia tias yuav raug ib co kev phom sij twg lawm. Thiab tej xwm txheej kub hnyiab los kuj tab tom hloov thiab yus yuav tau pib ua ib yam dab tsi tam sim no pov puag yus thiab yus tsev neeg.
- Emergency Warning (Kob liab) - ces yog cov kev ceeb toom theem siab tshaj plaws. Thiab yog tias tseem ncua tam sim no ces yuav raug kev phom sim rau yus txoj sia tau.
Yog koj xav tau tej xov xwm tshiab thiab tej kev ceeb toom ntau yam, ces muaj peev xwm mus txheeb tau ntawm tej xov tooj cua zejzog, TV thiab tej koom haum tua hluav taws tej vas sab los yog lawv tej social media accounts.
Yog poob rau cov xwm txheej emergency, ces hu rau tus xov tooj 000.
Mloog tau hnub zwj Teeb (Thursday) 6 pm, thiab zwj Hnub (Sunday) 11 am, los yog koom peb ntawm , , thiab . Downloadthiab caum peb qab ntawm
