Pwede bang maging full-time career ang pagiging book author sa Australia?

Sa episode na ito ng Trabaho, Visa, atbp., ibinahagi ni Anna Manuel at Dr. Celia Torres-Villanueva ang proseso na maging book author sa Australia at kung malaki nga ba ang kita sa propesyon na ito.

Anna Manuel and Dr. Celia Torres-Villanueva share how to navigate a book author career in Australia. Credit: SBS Filipino

Key Points

• Ayon sa Job and Skills Australia, aabot sa 5,400 ang mga book author at book and script editor sa Australia kung saan 63 % dito ay kababaihan at 37% naman ang part time itong trabaho.
• Isang kwentista o storyteller si Anna Manuel sa Australia kaya naman naisip niya idokumento bilang children’s book ang pakikisalamuha sa mga bata.
• Bata pa lang ay mahilig na magsulat ang career coach na si Dr. Celia Torres-Villanueva pero nagkaroon ng iba’t ibang full-time job at nag-aaral pa kaya naisantabi hanggang sa magkaroon ng oras ngayon.
• Dumaan sa self-publishing sina Anna at Celia dahil mas madali ang proseso nito kumpara sa traditional publishing.

Sa panayam ng SBS Filipino, ibinahagi ng dalawang book author na sina Anna Manuel at Dr. Celia Torres-Villanueva na nais nilang ibahagi sa mga kapwa migrante sa Australia ang karera sa pagiging manunulat ng libro sa pamamagitan ng isang event na tinawag na Literary Career Transformation: Fireside Chat and Author Showcase.

Storyteller and book author Anna Manuel Credit: Anna Manuel

Celia Torres-Villanueva has been named one of the 5 finalists from 77 nominees for the Australian Professionals of Colour (APOC) Corporate Legend Award. Credit: Supplied

Layon ng kaganapan na ito na itampok ang mga kakabaihang manunulat mula sa multicultural background gayundin na bigyan ng boses ang local author. Nakatakda itong maganap sa 31 August 2024, Sabado alas-dos ng hapon sa Kensington Town Hall sa Melbourne.

"Broaden and diversify your bookshelves," saad ni Dr. Villanueva.