Key Points
- کام کی جگہ کے غیر تحریری اصول آپ کے کیریئر کی ترقی کو متاثر کر سکتے ہیں۔
- اگر آپ ان غیر تحریری اصولوں کو نہیں سمجھتے ہیں، تو آپ محسوس کر سکتے ہیں کہ آپ ان میں فٹ نہیں ہیں یا اچھی کارکردگی کا مظاہرہ نہیں کر رہے ہیں۔
- اگر آپ کو اپنے کام کی جگہ کے قوعد اور ضابطوں سے متعلق کوئی شک ہے ، تو پوچھنے سے نہ گھبرائیں۔
- ماہرین کا کہنا ہے کہ کمپنیوں کو چاہیے کہ وہ نئے ملازمین کو کام کی جگہ کے غیر تحریری قوانین سے متعارف کروا کر سیٹل ہونے میں مدد کریں۔
آسٹریلیا میں نئی ملازمت حاصل کرنے کے بعد، کمپنی کے ان کہے اصولوں کو سمجھنا ضروری ہے۔
یو ٹی ایس بزنس اسکول میں ایسوسی ایٹ ڈین (اکیڈمک اسٹافنگ) اور ایسوسی ایٹ پروفیسر روبین جانز کہتی ہیں کہ غیر تحریری اصول ہر کمپنی کے مطابق تبدیل ہوتے رہتے ہیں۔
وہ بتاتی ہیں کہ "ان اصولوں میں بہت سے وہ ہیں جنہیں ہم سماجی اصولوں کے ایک ایسےسیٹ کے طور پر دیکھتے ہیں، جو لوگ کسی خاص تنظیم کے اندر رہتے ہیں اپناتے ہیں،" وہ بتاتی ہیں۔
پروفیسر جانز نے مزید کہا کہ انہیں (اصولوں کو) جاننا کافی مشکل ہو سکتا ہے اور کسی کے کیریئر کی ترقی کو متاثر کر سکتا ہے۔
"اگر آپ ان غیر تحریری اصولوں پر عمل نہیں کر رہے ہیں اور آپ ان سے واقف نہیں ہیں، تو آپ کو لازمی طور ایک ایسے شخص کے طور پر دیکھا جائے گا جو اس ادارے کے کلچر میں فٹ نہیں بیٹھتا یا پھر ایک ٹیم کے طور پر کام نہیں کر سکتا،" انہوں نے کہا۔
پروفیسر جانز کا کہنا ہے کہ ان میں سے کچھ ان کہے اصول روزمرہ کی سادہ عادات اور طرز عمل سے لے کران اقدام تک ہو سکتا ہے کہ آپ کس طرح ایک نیٹ ورک اور تعلقات استوار کرتے ہیں۔
"دوسرے ضابطوں میں سے کچھ کا تعلق اس بات سے ہوسکتا ہے کہ آپ کس طرح تعلقات بناتے ہیں اور آپ کیسے نیٹ ورک کرتے ہیں۔ کام کی جگہوں کے اندر اور کام کی جگہ پر سیاست کرنے کے بارے میں اکثر غیر تحریری اصول ہوتے ہیں - اور آپ ان اصولوں کوکیسے جان سکتے ہیں اور کسی تنظیم کی اندرونی سیاست سے کیسے نمٹ سکتے ہیں یہ واقعی ایک اہم حصہ ہے۔"
A diverse team of Australian professionals collaborating in a Sydney office. Credit: pixdeluxe/Getty Images
ای میلز کا لہجہ اور انداز
ای میلز کا انداز اور لہجہ بھی اہم ہے، پروفیسر جانز نے روشنی ڈالی۔
"کیا آپ (دفتری ای میلز میں) ایموجیزاور فجائیہ کے نشانات اور اس طرح کی چیزیں استعمال کر سکتے ہیں؟ ان کو استعمال کرنے کے آداب کیا ہیں؟ اور ایک بار پھر آپ کو نظر ڈالنی ہوگی کہ ، یہ ضروری نہیں کہ یہ اصول تحریری ہوں. یہ ایسی چیز ہے جو زیادہ غیر رسمی ہو سکتی ہے کہ لوگ کیسے بات چیت کرتے ہیں،" وہ کہتی ہیں۔
آپ یقینی طور پر لوگوں کو اپنی ای میل میں بات کرنے کے طریقے سے ’’کنارے ‘‘ لگا سکتے ہیں ۔رابن جانز، ایسوسی ایٹ ڈین (اکیڈمک اسٹافنگ) اور یو ٹی ایس بزنس اسکول میں ایسوسی ایٹ پروفیسر
آسٹریلیا میں کام کی جگہ "انتہائی منظم ہے"
کرسٹین کاسٹلی ملٹی کلچرل آسٹریلیا کی چیف ایگزیکٹو آفیسر ہیں، جو کوئنز لینڈ میں واقع ایک تنظیم ہے جو پناہ گزینوں، بین الاقوامی طلباء، پناہ کے متلاشی افراد اور تارکین وطن کو اپنی نئی زندگی میں بسنے میں مدد کرتی ہے۔
وہ کہتی ہیں، آسٹریلیا میں کام کی جگہ کے قوانین اور ضوابط کا ایک جامع نظام ہے جس کا مقصد کارکنوں کے حقوق اور بہبود کا تحفظ کرنا ہے۔
"میرے خیال میں دوسرے ممالک سے آنے والے لوگوں کے لیے ایک جھٹکا یہ ہے کہ آسٹریلوی کام کی جگہ، میرے خیال میں، بہت زیادہ ریگولیٹڈ، ممکنہ طور پر بہت سے دوسرے ممالک کے کام کی جگہوں سے زیادہ ریگولیٹڈ ہے، بشمول تضحیک کے معاملے میں۔"
نجات بسر ایس بی ایس ترکی کے ایگزیکٹو پروڈیوسر ہیں۔ وہ آسٹریلیا آنے سے پہلے 20 سال تک ترکی میں کام کرتے رہے ہیں۔
"ترکی میں تضحیک ایک معمول ہے۔ یہ متوقع ہے۔ یہ اس طرح ہے، 'ٹھیک ہے، مالکان کو سخت ہونے کی ضرورت ہے اور ملازمین کو احکامات پر عمل کرنے کی ضرورت ہے، [مثال کے طور پر] جب کہ یہاں [آسٹریلیا میں] تضحیک اور صنفی تعصب کی واضح تعریفیں موجود ہیں"۔
Sometimes not understanding the unwritten rules in the workplace can lead to a person becoming isolated. Credit: pixdeluxe/Getty Images
کثیر ثقافتی اور میٹنگ پروٹوکول(ملاقات کے ضابطے)
آسٹریلین لوگ ملاقاتوں میں اختلاف رائے کا اظہار کر سکتے ہیں، تاہم اختلاف رائے کا اظہار ثقافتی اصولوں کی بنیاد پر مختلف ہو سکتا ہے اور وہ عام طور پر احترام اور تعمیری انداز میں ایسا کرتے ہیں، جناب بسر کہتے ہیں۔
"یہ [آسٹریلیا میں] شائستگی کا ایک ورک کلچر ہے۔ آپ کو اپنے اردگرد ایسے لوگ نظر آتے ہیں جو بظاہر(آپ کی بات سے ) متفق ہوں ۔لہٰذا پہلے ، وہ کہتے ہیں، 'اوہ، ٹھیک ہے، ہاں، تم ٹھیک کہتے ہو۔ یہ ایک اچھا نکتہ ہے۔‘‘ اور پھر [وہ] بالکل برعکس کہتے ہیں، وہ گفتگو کو ایک مختلف سمت میں لے جانے کی کوشش کرتے ہیں۔
"ترکی میں یہ زیادہ دو ٹوک ہے۔ آپ کہتے ہیں، 'نہیں، یہ غلط ہے؛(اور) یہ کام کرنے کا صحیح طریقہ ہے،'' نجات بسر بتاتے ہیں۔
سماجی دوستی اور ٹیم بانڈ
کافی یا چائے کے وقفے میں ایک ساتھ بیٹھنا آسٹریلیا کے کام کی جگہ پر سماجیدوستی اور تعلقات استوار کرنے کے لیے ایک عام عمل ہے۔
تاہم، ہو سکتا ہے کہ کچھ تارکین وطن اس طرز عمل سے واقف نہ ہوں، اور ہو سکتا ہے کہ وہ اسے غیر اخلاقی اور وقت کا ضیاع سمجھیں۔
محترمہ کاسٹلی کہتی ہیں کہ بہت سے تارکین وطن افراد نے آسٹریلیا آنے سے پہلے "صبح کی چائے"(morning tea) کے بارے میں کبھی نہیں سنا۔
آئیے ایک کافی پینے کا مطلب ہے 'آئیے بات کرتے ہیں اور جڑتے(ایک دوسرے کو جاننے کی کوشش کرتے) ہیں'۔ لیکن یہ کنکشن کے بارے میں واقعی ایک اہم نکتہ بن جاتا ہے، اور مجھے لگتا ہے اس طرح رابطے بنانا سمجھ میں آنے والی بات ہے۔کرسٹین کاسٹلی، چیف ایگزیکٹو آفیسر، ملٹی کلچرل آسٹریلیا
After securing a new job in Australia, it’s essential to understand the company’s unspoken rules. Credit: xavierarnau/Getty Images
اس طرح، جب کہ کمپنیوں کے لیے اس عمل کو آسان بنانا ضروری ہے، کارکنان سوالات پوچھ کر اور ایک سرپرست یا "دوست" تلاش کر کے اپنی منتقلی(نئے ادارے میں ) کو آسان کر سکتے ہیں، محترمہ کاسٹلی تجویز کرتی ہیں۔
"کام کی جگہ پر تارکین وطن کے طور پر آنے والا ایک شخص جب وہ نئی نوکری شروع کرتا ہے تو اس کے لئے اہم ہے کہ وہ سوچے، 'مجھے کام کی جگہ کی ثقافت کو سمجھنے کی ضرورت ہے تاکہ میں اپنی بہترین کارکردگی کا مظاہرہ کر سکوں۔ یہ یقینی بنانے کے لیے کہ میں آپ کے لیے بہترین کام کر رہا ہوں، آجر کے طور پر آپ مجھے کیا مدد دے سکتے ہیں؟‘‘
مزید جانئے
How to ask for a pay rise in Australia
Subscribe or follow the Australia Explained podcast for more valuable information and tips about settling into your new life in Australia.
Do you have any questions or topic ideas? Send us an email to
