එළඹෙන අප්‍රේල් මාසයේ සිට ඩොලර් මිලියන 50 ක් දක්වාවූ පිරිවැටුමක් සහිත ව්‍යාපාරවලට අදාළ සංස්ථාපිත බදු අනුපාතිකය වන 27.5% කප්පාදු කිරීමට ඔස්ට්‍රේලියානු මධ්‍යම පාර්ලිමේන්තුව එකඟ වී තිබේ.
වසර 3 ක් පුරාවට මෙම ක්‍රියාවලිය සිදු වන බව සඳහන්.
කෙසේවෙතත්, වසර 10 ක් පුරාවට ඔස්ට්‍රේලියාවේ සියලු ව්‍යාපාර සඳහා 25% ක බදු ප්‍රතිශතයක් බලාත්මක කිරීමට ඔස්ට්‍රේලියානු රජයට අවශ්‍ය කර තිබේ.
අනෙකුත් ක්ෂේත්‍ර සමග සංසන්දනය කරන කල ව්‍යාපාර බදු මිල අධික බව අගමැති Malcolm Turnbull පවසයි.
ආයෝජන සහ රැකියා උත්පාදනය සඳහා සමාගම් බදු අඩු කිරීමට ලෝකයේ රටවල් බොහොමයක නායකයින් කැමැත්තක් දක්වන බව ඔස්ට්‍රේලියානු අග්‍රාමාත්‍යවරයා පසුගියදා ජර්මනියේ පැවති G20 සමුළුවේදී පැවසීය.
නමුත් ලිබරල් සන්ධාන රජයේ මෙම සමාගම් බදු කප්පාදුව දීර්ඝ කාලීනව රටේ අය වැය සඳහා බලපාන බවත් වසර 10 ක් පුරාවට එක වසරකට ඩොලර් බිලියන 14 බැගින් වියදමක් මේ නිසා දැරීමට සිදුවන බවත් විපක්ෂයේ භාණ්ඩාගාරික කටයුතු පිළිබඳ නියෝජිත Chris Bowen පවසයි.
