'ਹਾਂ ਮੁਹਿੰਮ' ਦੇ ਨੇਤਾਵਾਂ ਨੇ 14 ਅਕਤੂਬਰ ਦੀ ਰਾਏਸ਼ੁਮਾਰੀ ਉੱਤੇ ਆਪਣੀ ਚੁੱਪ ਤੋੜਦਿਆਂ ਇਸ ਨਤੀਜੇ ਨੂੰ 'ਸ਼ਰਮਨਾਕ ਅਤੇ ਨਸਲਵਾਦੀ' ਦੱਸਿਆ ਹੈ।
ਇਸ ਖੁੱਲੇ ਪੱਤਰ ਉਤੇ ਕਿਸੇ ਦੇ ਦਸਤਖਤ ਨਹੀਂ ਹਨ ਜਿਸ ਕਰਕੇ ਇਹ ਸਾਫ ਨਹੀਂ ਕਿ ਇਹ ਕਿਸ ਵਲੋਂ ਹੈ ਪਰ ਇਸ ਦੇ ਲੇਖਕਾਂ ਨੇ ਇਸ ਰਾਏਸ਼ੁਮਾਰੀ ਦੇ ਨਤੀਜੇ ਨੂੰ 'ਅਪਮਾਨਜਨਕ' ਆਖਿਆ ਹੈ।
ਇਸ ਰਾਏਸ਼ੁਮਾਰੀ ਵਿਚ 60.69 ਫੀਸਦੀ ਲੋਕਾਂ ਨੇ ਨਾ-ਵੋਟ ਅਤੇ 39.31 ਫੀਸਦੀ ਨੇ ਹਾਂ-ਵੋਟ ਪਾਈ ਸੀ।
ਆਸਟ੍ਰੇਲੀਆ ਦੇ ਹਰ ਰਾਜ ਦੇ ਲੋਕਾਂ ਨੇ ਇਸ ਪ੍ਰਸਤਾਵ ਨੂੰ ਠੁਕਰਾ ਦਿੱਤਾ ਤੇ ਕੇਵਲ ਆਸਟ੍ਰੇਲੀਅਨ ਕੈਪੀਟਲ ਟੈਰੀਟੋਰੀ ਦੇ ਲੋਕਾਂ ਨੇ ਇਸ ਦੀ ਹਮਾਇਤ ਕੀਤੀ।
ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ੀ ਨੇ ਵੀ ਇਸ ਨਤੀਜੇ ਉੱਤੇ ਨਿਰਾਸ਼ਾ ਜ਼ਾਹਿਰ ਕੀਤੀ ਪਰ ਕਿਹਾ ਕਿ ਲੋਕਾਂ ਦੀ ਇੱਛਾ ਦਾ ਸਨਮਾਨ ਕੀਤਾ ਜਾਣਾ ਚਾਹੀਦਾ ਹੈ।
