د آسټرالیا د احصایې ادارې آمار ښيي چې په آسټرالیا کې په اوسط ډول خلک په کال کې ۶۷ زره او ۶۰۰ (67,600) ډالره عاید لري. په ۲۰۲۳ کال کې نیم نفوس تر دغې اندازې کم او نیم نفوس تر منځنۍ کچې زیاتې پیسې ګټلي دي.
د فاینډر (Finder) په نوم یوې مالي ویب پاڼې یوه سروې ترسره کړې او له خلکو یې پوښتنه کړې چې څومره عاید باید ولري ترڅو احساس وکړي چې بډایه دي.
د سروې پرمهال له ۱۰۳۲ بالغه کسانو څخه دغه پوښتنه شوې او موندل شوي چې په آسټرالیا کې یو شخص باید ۳۴۶ زره (346,000) ډالره عاید ولري ترڅو احساس وکړي چې شتمن دی.
دغه سروې په داسې حال کې ترسره کېږی چې په آسټرالیا کې یو زیات شمېر کسان له مالي ستونزو سره مخ دي او د خوراکي توکو بیې هم په تېرو څو کلونو کې لوړې شوې دي.
د فاینډر په سروې کې دا هم موندل شوي چې د دغې پوښتنې ځواب چې څومره پیسې باید یو کس وګتي ترڅو احساس وکړي چې شتمن دی؟ دې خبرې پورې اړه لري چې شخص څومره عمر لري.
د بېلګې په توګه کوم کسان چې د ۱۹۸۱ او ۱۹۹۵ کلونو ترمنځ پیدا شوي، هغوي باور لري چې یو شخص باید په کال کې ۴۱۸ زره ډالر وګټي ترڅو احساس وکړي چې بډایه ده.
مګر کوم کسان چې د ۱۹۶۶ او ۱۹۸۰ کلونو ترمنځ پیدا شوي هغوي بیا پدې باور دي چې بډایه شخص باید په یوه کال کې ۳۹۲ زره ډالره وګټي.
زموږ خپرونه دلتهیا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له یا څخه ترلاسه کړئ.
