ह्वाईट हाउसमा नयाँ राष्ट्रपतिका रूपमा पदभार सम्हालेको पहिलो दिनमा जो बाईडेनले आफ्ना केही प्राथमिकता सार्वजनिक गरे ।
उनको प्राथमिकताहरूको पहिलो नम्बरमा कोभिड–१९ महामारीबाट अमेरिकालाई उन्मुत्ती दिने गरी खोप कार्यक्रमलाई अगाडी बढाउने रहेको छ ।
बाईडेन नेतृत्वले कार्यभार सम्हालेपछि कोरोना सङ्कटलाई लिएर भएको विश्लेषणमा अवस्था 'छक्क' पार्ने भएको प्रतिक्रिया दिइएको छ ।
“हामीले जिम्मेवारी लिएपछि कोरोनाको अवस्था सोचे भन्दा भंयकर पायौ ।” ह्वाईट हाउसका कोभिड–१९ का संयोजक जेफ जेन्ट्सले पत्रकारहरू सँग भने ।
कार्यालयको पहिलो दिनमै बाईडेन अघिल्ला राष्ट्रपति डोनाल्ड ट्रम्पका योजना उल्ट्याउनमा व्यस्त बने ।
यो पनि पढ्नुहोस ।
अमेरिकी राष्ट्रपतिको रुपमा जो बाईडेनले लिए शपथ
उनी यतिखेर मुलुकका आपतकालिन रणनितिहरुलाई पुन:स्थापित गर्नका लागि निर्देशीकाहरुमा हस्ताक्षर गदै छन् ।
बाईडेनका सञ्चार निर्देशक केट बेडीङफिल्डले सी एन एन सँगको कुराकानीमा आपतकालिन कानुन बनाएर औद्योगिक उत्पादनलाई बढवा दिने बताए ।
“यो कुराको सुनिश्चितता गर्न की हामी सँग प्रत्येक व्यक्तिलाई खोप कार्यक्रममा समावेश गर्न आवश्यक सबै सामाग्री तैयार होस् ।” उनले भने ।
बाईडेनको बुधवारको शपथ ग्रहण कार्यक्रम कोभिड–१९ का कारण फरक बन्न पुग्यो ।
थोरै मान्छेको उपस्थिति र उपस्थित सबैको अनुहार मास्कमा ढाकिएको थियो ।
१७ वटा विशेष निणर्यहरुमा हस्ताक्षर गरेका बाईडेनको प्राथमिकतामा भने खोप कार्यक्रम, मास्कको प्रयोग र कोभिड–१९ का कारण शिथिल बनेको अर्थतन्त्रलाई सुधार्ने बृहत् आर्थिक योजना परेका छन् ।
