ວີຊານັກຮຽນ (Student Visa) ຫຼືຖ້າຈະເວົ້າອີກແນວນຶ່ງມັນແມ່ນວີຊາສຳຮັບມາຮ່ຳມາຮຽນຢູ່ໃນອອສເຕຼເລັຍ.
ວີຊານີ້ຖຶກນຳໃຊ້ໄດ້ໃນຫຼາຍແບບຫຼາຍແນວ...
ອອສເຕຼເລັຍໂດ່ງດັງ ມີຊື່ສຽງເປັນປະເທດນາໆວັທນະທັມ, ສະບາຍສະບາຍ ບໍ່ຂຸ້ນຂ້ຽວໃນດ້ານຊີວິດ ແລະມີ
ທັມຊາດທີ່ສວຍງາມຫູສວຍງາມຕາ. ນອກນັ້ນກໍມີຊື່ສຽງລມກັນວ່າເປັນປະເທດທີ່ມີຫໍສະໜຸດທີ່ຖຶກຄ້ຳຈູນ
ດີໃນດ້ານການເງິນ ແລະມີສະຖານທີ່ຕ່າງໆທີ່ມີຄຸນນະພາບແລະສະມັຕພາບຂັ້ນໂລກ.
ທັງໜົດນີ້ເປັນສິ້ນສ່ວນນຶ່ງທີ່ອອສເຕຼເລັຍເປັນທີ່ຈັບອົກຈັບໃຈຂອງນັກຮຽນນັກສຶກສາໃນຕ່າງປະເທດ.
ແຕ່ອອສເຕຼເລັຍມີວິທີການເຂົ້າມາຍັງອອສເຕຼເລັຍທີ່ເຄັງຄັດ -ເຊັ່ນ: ວີຊານັກຮຽນເພື່ອມາຮຽນມາສຶກສາຢູ່
ໃນອອສເຕຼເລັຍ.
ກ່ອນຈະເຂົ້າມາຮຽນຢູ່ໃນອອສເຕຼເລັຍ ບໍ່ວ່າຂັ້ນໃດກໍຕາມ ຜູ້ຈະມາຈຳຕ້ອງມີວີຊານັກຮຽນ ຄື Student Visa.
ເພື່ອຈະໄດ້ວີຊານັກຮຽນນັ້ນ ແມ່ນຕ້ອງຖຶກຮັບຮູ້ເອົາເຂົ້າໂຮງຮຽນເສັຍກ່ອນ ແລະຫຼັກສູດການຮຽນແມ່ນອັນ
ທີ່ຣັຖານອອສເຕຼເລັຍຣະບຸໄວ້ແລ້ວ -ຄື:CRICOS ທີ່ໂດຍເຕັມໆແລ້ວອ່ານວ່າ Commonwealth Register of
Institutions and Courses for Overseas Students.
ຍານາງ Maria Jockel ຜູ້ສ່ຽວຊານໃນດ້ານກົດໜາຍແລະເປັນນາຍໜ້າຢູ່ນະທີ່ບໍຣິສັດກົດໜາຍ Holding
Redlicks ໃນອອສເຕຼເລັຍ ເວົ້າວ່າມັນເປັນສິ່ງຈຳເປັນ ທີ່ກ່ອນຈະມາຮຽນໃນອອສເຕຼເລັຍ ທີ່ຕ້ອງມີເອກສານ
ທີ່ຢັ້ງຢືນວ່າຖຶກຮັບຮູ້ເປັນນັກຮຽນຂອງໂຮງຮຽນແລ້ວ ທີ່ໂຮງຮຽນນັ້ນຈຳຕ້ອງເປັນຜູ້ໃຫ້ການສຶກສາທີ່ຖຶກລົງ
ທະບຽນກັບຣັຖບານອອສເຕຼເລັຍແລ້ວ ຄືໂຮງຮຽນທີ່ຖຶກຣັຖບານອອສເຕຼເລັຍຮັບແລ້ວ ວ່າໄປ !
ນີ້ແປວ່າຜູ້ຈະມາຮຽນຕ້ອງເຂົ້າໄປໃນ website ຂອງ CRICOS ແລະຊອກເບິ່ງຫຼັກສູດທີ່ຖຶກຮັບຮູ້ໂດຍຣັຖບານ
ອອສເຕຼເລັຍ.
ສິ່ງສຳຄັນອັນນຶ່ງແມ່ນຕ້ອງມີເງິນມີຄຳເພື່ອການຮຽນນັ້ນ -ດັ່ງ: ຄ່າຮຽນ, ທີ່ຢູ່ເຊົາຢູ່ກິນແລະການດູແລໃນດ້ານ
ສຸຂພາບ.
ກ່ຽວກັບດ້ານສຸຂພາບ ແມ່ນຕ້ອງມີປະກັນພັຍສຸຂພາບສ່ວນຕົວ.
ແລະຕ້ອງຖຶກຕ້ອງກັບ character ທີ່ອອສເຕຼເລັຍຕ້ອງການ. ນີ້ແມ່ນມີປະຫັວດຫຼືວ່າຊີວະປະຫັວດອັນຈົບດີຕາມ
ທີ່ອອສເຕຼເລັຍຕ້ອງການ.
ແລະຕ້ອງບໍ່ຕົກການສອບເສັງພາສາອັງກິດ.
ບາງທີສິ່ງນຶ່ງທີ່ຫຼີກລ້ຽງບໍ່ໄດ້ແມ່ນຕ້ອງເສັຍຄ່າການຂໍເອົາວີຊານັກຮຽນນັ້ນ. ນີ້ມີຣາຄາເຖິງ $620.
ຈຳນວນທີ່ອອສເຈຼເລັຍໃຫ້ຄົນຕ່າງປະເທດເຂົ້າມາຮຽນຢູ່ໃນອອສເຕຼເລັຍແມ່ນບໍມີຈຳກັດຈຳນວນສຳຮັບແຕ່ຣະປີ.
ເມື່ອເຂົ້າມາຮຽນຢູ່ໃນອອສເຕຼເລັຍ ນັກຮຽນເຮັດວຽກເຮັດການໄດ້ບໍ່ເກີນ 20 ຊົ່ວໂມງຕໍ່ສັບປະດາໃນຣະຍະການເຂົ້າ
ໂຮງຮຽນ ຄື term ການຮຽນ. ແຕ່ໃນຍາມໂຮງຮຽນຜັກແມ່ນເຮັດວຽກການງານໄດ້ແບບເຕັມເວລາດັ່ງຄົນທົ່ວໄປ.
ໃຫ້ເຂົ້າໃຈວ່າວີຊານັກຮຽນແມ່ນມີຈຸດປະສົງໃຫ້ນັກຮຽນນັ້ນຕັ້ງໃຈຮຽນເປັນຫຼັກເປັນແກນ ບໍ່ແມ່ນເຮັດວຽກເປັນຫຼັກ.
ຣະຍະການມາຮຽນຢູ່ໃນອອສເຕຼເລັຍແມ່ນອາດໄດ້ຮອດ 5 ປີ ຫຼືວ່າຕໍ່ວີຊານັນໄດ້ເຖິງ 5 ປີ.
ຍານາງ Maria Jockel ຜູ້ສ່ຽວຊານໃນດ້ານກົດໜາຍທີ່ເປັນນາຍໜ້າຢູ່ນະທີ່ບໍ່ຣິສັດກົດໜາຍ Holding Redlicks
ເວົ້າວ່າມັນເປັນສິ່ງສຳຄັນທີ່ນັກຮຽນທີ່ຈະມາຮຽນຢູ່ໃນອອສເຕຼເລັຍຈະອ່ານເບິ່ງໜັງສືທີ່ໃຫ້ວີຊາແກ່ພວກຂະເຈົ້ານັ້ນ
ແລະຕ້ອງຮູ້ຈັກຄວາມຕ້ອງການຕ່າງໆກ່ຽວກັບວີຊານັກຮຽນນັ້ນ.
ສິ່ງນຶ່ງທີ່ສັງເກດຮູ້ເຫັນແມ່ນນັກຮຽນນັ້ນບໍ່ຫົວຊາຫຼືສັງເກດເບິງວັນກຳໜົດຂອງວີຊານັ້ນ ຄື - ການຈຳຕ້ອງອອກເດີນທາງ
ມາຍັງອອສເຕຼເລັຍເພື່ອມາຮຽນ..
ບາດວ່າຮຽນຈົບຫຼືຈຸບການສຶກສາແລ້ວເດ້?
ວີຊານັກຮຽນເພື່ອມາຮຽນໃນອອສເຕຼເລັຍ ຄື Student Visa ສາມາດໜົດກຳໜົດກ່ອນເວລາການຮຽນຈົບ.
ຖ້າຫາກມັນເປັນດັ່ງນີ້ ນັກຮຽນມີສິດຮ້ອງຂໍເອົາວີຊານັກທ່ອງທ່ຽວ (Visitor Visa) ຊະນິດ Subclass 600.
ຖ້າຫາກນັກຮຽນປາຖນາຈະຢູ່ໃນອອສເຕຼເລັຍດົນນານຕື່ມເມື່ອຮຽນຈົບແລ້ວ ແມ່ນວ່າພວກຂະເຈົ້າສາມດຮ້ອງຂໍ
ອີກໃໜ່ເອົາວີຊາຊົ່ວຄາວສຳຮັບນັກຮຽນທີ່ຮຽນຈົບ ຄື - ວີຊາ Temporary Graduate Visa (ຊະນິດ Subclass 485)
ຫຼືວີຊາຊິນິດຮຽນຈົບທີ່ມີຄວາມສຳນິສຳນານທີ່ຖຶກຮັບຮູ້ ຄື - Skilled Recognised Graduate Visa (ຊະນິດ Subclass
476).
ອັນວ່າຊະນິດ Subclass 485 ນັ້ນແມ່ນສຳຮັບ Graduate Work ແລະ Post Study Work.
Graduate Work ໃຫ້ນັກຮຽນຮ່ຳຮຽນແລະເຮັດວຽກໄດ້ຢູ່ໃນອອສເຕຼເລັຍເຖິງ 18 ເດືອນ.
Post Study Work ອະນູຍາດໃຫ້ເຮັດວຽກດົນນານກ່ວາ ທີ່ຕາມປົກກະຕິແລ້ວແມ່ນຣະຫ່ວາງ 2 ຫາ 4 ປີ.
ກ່ຽວກັບຊະນິດວີຊາ Subclass 476 ແມ່ນຖຶກວາດແຕ່ງຂຶ້ນມາສຳຮັບສະເພາະສຳຮັບນັກຮຽນທີ່ຮຽນຈົບໃນດ້ານ
engineering (ວິສະວະກິດ) ທີ່ຮຽນຈົບໄດ້ປິນຍາຫຼືປະກາດສະນະຍະບັດຂັ້ນສູງ (Higher Qualification) ຈາກສະຖາບັນ
ທີ່ຖຶກບົ່ງໄວ້ໃນສອງປີທີ່ຜ່ານມາ.
ສຳຮັບຄວາມຊີ້ອແຈງເຜີ້ມ ເປັນພາສາອັງກິດ ໃຫ້ເຂົ້າເບິ່ງ website ຂອງ CRICOS ຫຼືກະຊວງກວາດຄົນເຂົ້າເມືອງ
ແລະປ້ອງກັນຊາຍແດນອອສເຕຼເລັຍ (Department of Immigration and Border Protection).
