ວັນຊາດອອສເຕຼເລັຍ 2021.
ເມື່ອອ່ານບົດຂຽນນີ້ແລ້ວ ກະຣຸນາກົດໃຕ້ກ້ອງນີ້ ຟັງກ່ຽວກັບວັນຊາດອອສເຕຼເລັຍ:
ວັນຊາດອອສເຕຼເລັຍແມ່ນໃນທຸກໆວັນທີ 26 ມົກກະຣາ ຂອງແຕ່ຣະປີ ທີ່ເປັນຄ້າຍກັບວັນທີ່ເຮືອຕະເພົາຈຸແລກໆຂອງປະເທດອັງກິດ ໂດຍມີຮ້ອຍເອກ ອາກເຕີ ຟີລິບ ເດີນທາງມາຮອດອາວ ແຈກຊັນ ໃນຣັດນີວຊາວແວນລ໌ ແລ້ວຊັກທຸງຊາດຂອງປະເທດອັງກິດຂຶ້ນຢູ່ນະທີ່ ຊີດນີ ໂກເວີ.
ໃນທຸກໆມື້ນີ້ການທີ່ອອສເຕຼເລັຍສເລີມສລອງວັນຊາດດັ່ງກ່າວມີຈຸດປະສົງຊອງແສງເບິ່ງສັງຄົມນາໆວັທນະທັມອອສເຕຼເລັຍແລະຜື້ນແຜ່ນດິນອັນກ້ວາງໃຫຍ່ແລະອູດົມສົມບຸນຮອບດານຂອງອອສເຕຼເລັຍ.
ວັນຊາດອອສເຕຼເລັຍຖຶກສເລີມສລອງຂຶ້ນໂດຍນາໆວິທີການ ໂດຍຊຸມຊົນທັງຫຼາຍ, ຄອບຄົວ, ບຸກຄົນສ່ວນໂຕແລະໂດຍຣັຖບານທ້ອງຖິ່ນ, ຣັດແລະແຫ່ງຊາດ ໂດຍມີການຣະນຶກເຖິງປະວັດສາດແລະການເປັນມາໃນອະດີດແລະປັດຈະບັນຂອງອອສເຕຼເລັຍ... ແລະສິ່ງນຶ່ງທີ່ມັກຈະກະທຳແມ່ນມີການໃຫ້ຫຼຽນຕຼາຄຳຊອບຕ່າງໆແກ່ໂຕດີໂຕເດັນຂອງຊາດທັງກໍມີການຈັດພິທີ່ໃຫ້ສັນຊາດແກ່ຜູ້ທີ່ສຳເຣັດຮ້ອງຂໍເປັນຄົນສັນຊາດອອສເຕຼເລັຍດ້ວຍ.
ແຕ່ສຳຮັບຄົນພື້ນເມືອງອອສເຕຼເລັຍ ຄືຄົນອາໂບຣີຊີໂນນແລະຊາວເກາະທໍເຣສເຕຼດທີ່ຢູ່ໃນດິນແດນແຫ່ງນີ້ມານານແສນນານຫຼາຍໆພັນປີແລ້ວ ວັນຊາດນັ້ນໜາຍເຖິງວັນສິ້ນຊາດສິ້ນແຜ່ນດິນຂອງພວກຂະເຈົ້າ...
ຈັ່ງໃດກໍຕາມຕໍ່ແຕ່ປີ 1988 ເປັນຕົ້ນມາມີຄົນທັງຫຼາຍຍິງໆຂຶ້ນເຂົ້າຮ່ວມວັນຊາດອອສເຕຼເລັຍແລະໃນປີ 1994 ມີການເລີ້ມສລອງວັນຊາດ
ອອສເຕຼເລັຍຂຶ້ນໃນຸທກໆວັນທີ 26 ມົກກະຣາ ຂອງແຕ່ຣະຟ້າຣະປີ.
ກ່ອນນີ້ແມ່ນບໍ່ເປັນດັ່ງນັນ -ເຊັ່ນເຮັດໃນວັນຈັນຫຼືວັນສຸກເພື່ອເຮັດໃຫ້ຄົນໄດ້ພັກລ້າພັກກການຢູ່ບ້ານຢູ່ຊ່ອງສາມມື້ລ່ຽນຕິດກັນ... ແລະໃນທຸກໆມື້ນີ້ມີການສເນີໃຫ້ປ່ຽນແປງມື້ວັນຊາດນັ້ນໃຫ້ຖຶກຕ້ອງກັບອອສເຕຼເລັຍໃຍຍຸກສະໃໜໃໜ່... ແລະຄົ້ນພື້ນເມືອງອອສເຕຼເລັຍກໍມີການເຄື່ອນໄຫວໃຫ້ປ່ຽນແປງວັນຊາດນັ້ນໂດຍທີ່ພວກຂະເຈົ້າມີເຫດ
ຜົນຫຼາຍຢ່າງຫຼາຍແນວດ້ວຍ.
ສຳຮັບຄົນລາວທີໂຕນໜີຈາກພັກຣັຖຄອມມຸຍນິສຕ໌ໃນຜື້ນແຜ່ນດິນລາວເຂົ້າໄປອາໃສຢູ່ໃນສູນໜອງສະໂນນ້ອຍແລະ ສູນ ຕ.ຊ.ດ. ຂອງເມືອງໜອງຄາຍ ຈັ່ງວັດໜອງຄາຍ ປະເທດໄທຍ໌ ໄດ້ມາຢູ່ອອສເຕຼເລັຍເປັນຈຸແລກໆຜ່ານນະຄອນ ແມນລ໌ເບີນ ໃນເວລາ 3 ໂມງຂອດແຈ້ງ ຂອງວັນສຸກ ທີ 19 ມີນາ 1976.
ພວກດັ່ງກ່າວປະກອບດ້ວຍປະມານ 150 ຄົນ ທີ່ສ່ວນໃຫຍ່ຖຶກນຳໄປຕັ້ງຊີວິດໃໜ່ໃນ ຊິດນີ.
ຈາກ 150 ຄົນນັັ້ນ ບັດນີ້ພົນລະເມືອງລາວເຮົາໃນອອສເຕຼເລັຍມີຢູ່ປະມານສິບພັນຄົນ...
ແນ່ນອນ ຄົນລາວໃນອອສເຕຼເລັຍນັ້ນຄົງບໍ່ຫຼົງບໍ່ລືມປະວັດຂອງພວກຂະເຈົ້າທີ່ດ້ວຍເຫດໃດຈຶ່ງມາຢູ່ອອສເຕຼເລັຍຢ່າງຖາວອນ... ແລະມັນເປັນການກະຕວງໄດ້ວ່າຄົນເລືອດລາວໃນອອສເຕຼເລັຍເກືອບ 100% ເປັນຄົນສັນຊາດອອສເຕຼເລັຍໜົດແລ້ວ.
ພວກຂະເຈົ້າມີຄວາມຮູ້ສຶກແນວໃດແດ່ໃນການເປັນຄົນສັນຊາດອອສເຕຼເລັຍແລະກ່ຽວກັບວັນຊາດອອສເຕຼເລັຍ...
ຂ້າພະເຈົ້າມີໂອກາດໄດ້ສຳພາດບາງຜູ້ບາງຄົນດັ່ງໃນໃຕ້ກ້ອງນີ້:
