ປະເທດອອສເຕຼເລັຍເປັນປະເທດອັນກວ້າງໃຫຍ່ 7.692ລ້ານ ຕາຕະລາງກະໂລແມດແມດ ແຕ່ມີ
ພົນລະເມືອງໜ້ອຍເຖິງປະມານ 25ລ້ານ ຄົນກະຈູ້ກະຈາຍກັນໃນທຸກຫົນແຫ່ງແຕ່ 85% ຢູ່ກັນຢູ່
ໃນເຂດໃນເມືອງແລະ 70% ຢູ່ກັນຢູ່ໃນຫົວເມືອງເອກຕ່າງຂອງຣັດຕ່າງໆ ແລະເວົ້າໄດ້ວ່າສ່ວນ
ໃຫຍ່ຢູ່ກັນໃນພາກຕາເວັນອອກຂອງປະເທດ.
ຄົນລາວປະມານ 10ພັນ ຄົນມາຢູ່ໃນອອສເຕຼເລັຍໂດຍການປົບຣົບໜີຈາກຄ້ອນກັນກ່ຽວ
ລັ່ນທັບຫົວໃນຜື້ນແຜ່ນດິນລາວ ຂ້າມແມ່ນ້ຳຂອງເຂົ້າສູ່ປະເທດໄທຍ໌ແລ້ວໄດ້ມາຕັ້ງຊີວິໃໜ່
ໃນປະເທດເສຣິປະຊາທິປະໄຕອອສເຕຼເລັຍແຕ່ວັນທີ 19 ມີນາ 1976 ເປັນຕົ້ນມາ.
ຄົນລາວນັ້ນກະຈູ້ກະຈາຍກັນໄປຢູ່ເກືອບທົ່ວອອສເຕຼເຣັຍແຕ່ສ່ວນໃຫຍ່ແລ້ວຢູ່ໃນເມືອງ
ແລະນະຄອນຕ່າງໆແລະຕັ້ງພູມລຳເນົາໄດ້ດີເປັນພິເສດ.
ເຖິງຈະເປັນດັ່ງນັ້ນກໍຕາມຄົນລາວໃນອອສເຕຼເລັຍກໍໄປທຳມາຫາກິນຢູ່ໃນຊົນບົດອອສເຕຼເລັຍ.
ແຫ່ງນຶ່ງທີ່ີ່ເປັນຊົນນະບົດອອສເຕຼທີ່ມີຄົນລາວໄປຕັ້ງຊິດຢູ່ດົນນານທີ່ສຸດແລະໄດ້ຜົນແມ່ນ
ເມືອງ ແວງກາຣະຕາ ໃນຣັດວິກຕໍເລັຍ.
ເມືອງ ແວງກາຣາຕາ ຕັ້ງຢູ່ຮຽງຂ້າງກັບເສັ້ນທາງແຫ່ງຊາດອອສເຕຼໜາຍເລກ 31 ທີ່ຕໍໍ່
ນະຄອນ ແມນລ໌ເບີນແລະຊິດນີເຂົ້າຫາການ. ເສັ້ນທາງນັ້ນຍຶດຍາວເຖິງປະມານນຶ່ງພັນ
ກິໂລແມດ.
ແວງກາຣາຕາ ຕັ້ງຢູ່ໄກ່ຫ່າງຈາກ ແມນເບີນລ໌ 236ກິໂລແມດ ຖ້ວນແລະມີພົນລະເມືອງ
ປະມານ 19318 ຄົນໃນຄາວປີ 2018 ແລະເປັນເມືອງທີ່ໃຫຍ່ໂຕໃນຣະດັບທີ່ສອງຂອງ
ພາກເໜືອສ່ຽງຕາເວັນອອກຂອງຣັດວິກຕໍເຣັຍ.
ໃນເຂດັ່ງກ່າວທີນຶ່ງແມ່ນເມືອງ ວູດອງກາ ທີມີເຖິງ 41430 ຄົນໃນປີ 2018.
ຈິງແທ້ທີ່ ແວງກາຣະຕາ ເປັນເມືອງຊົນນະບົດແຕ່ບໍ່ຂາດເຂີນຫຍັງນອກຈາກມະຫາວິທຍາລັຍ.
ແວງກາຣະນາ ມີໂຮງງານໂຮງຈັກ ມີໂຮງຮ່ຳໂຮງຽນອະນຸບານ, ປະຖົມແລະມັທຍົມ ມີໂຮງໜໍ
ໂຮງພະຍາບານ ມີຮ້ານຄ້າຮ້ານຂາຍທຸກຢ່າງທຸກແນວ ມີສະໜາມກິລາແລະບ່ອນລື້ນເລີງໃຈ
ຕ່າງໆນາໆ ແລະກໍມີຮ້ານອາຫານຈີນແລະລາວ-ໄທຍ໌ນຳດ້ວຍ...
ຄອບຄົວຂອງທ່ານ ໂດໄດ ສີຫາຣາຊ ເປັນຄົວລາວແລກໆທີ່ໄປຢູ່ໃນ ແວງກາຣະຕາ
ຕໍ່ແຕ່ເມື່ອມາຮອດອອສເຕຼເລັຍຈາກສູນອົພຍົບອັນລ້ຳບາກຍາກແຄນຂອງສະຫະປະ
ຊາຊາດໃນແຫ່ງນຶ່ງຂອງປະເທດໄທຍ໌.
ທ່ານ ໂອໄດ ເຄີຍເຮັດວຽກເຮັດການໃນດ້ານໂຍທາກັບບໍຣິສັດກໍ່ສ້ງຂອງເອກກະຊົນ
ອັນນຶ່ງໃນເມືອງດັ່ງກ່າວແລະເຄີຍເຮັດ ຟາມ ຂອງໂຕເອງລ້ຽງງົວແລະກະເສດ ທັງກໍ
ເຄີຍນຳເອົາອຸປກອນແລະເງິນຄຳໄປຕັ້ງທຸຣະກິດຂຶ້ນໃນນະຄອນຫຼວງວຽງຈັນດ້ວຍ.
ບັດນີ້ທ່ານໄປບຳນານແລ້ວຍ້ອນອາຍຸສັງຂານແກ່ສະຣາ...
ຄົນລາວໃນຊົນນະບົດອອສເຕຼເລັຍຢູ່ກິນແບບໃດໃນຍາມວິກິດ ໂກວິດ-19 ທີ່ແຜ່
ຣະບາດຢ່າງຮ້າຍແຮງອອກມາຈາກປະເທດຫົວໂປ່ຄອມມຸຍນິສ ສປຈີນໃນເດືອນ
ທັນວາປີ 2019 ໂດຍທີ່ວ່າບໍ່ເກີດຂອງການ'ສ້າງພະຍາດ' ນັ້ນຂຶ້ນມາ ຄືນະຄອນ
ວູຮານ ສປຈີນຖຶກປິດເຕັມສ່ວນຫ້າມອອຫ້າມເຂົ້າໂດຍເຕັມສ່ວນໃນວັນທີ 22
ມົກກະຣາ 2020 ແຕ່ມັນ 'ຖຶກປ່ອຍ' ຫຼື 'ລະເລີຍໃຫ້ບິນໄປັ' ຍັງຫຼາຍປະເທດຈົນວ່າ
ລາມຕິດແປດກັນເປັນວິກິດຂອງປະຫວັດສາຂອງມະມຸດ...
ກ່ຽວວ່າຄົນລາວໃນຊົນນະບົດອອສເຕຼເລັຍຢູ່ກິນກັນແບບໃດນັ້ນແມ່ນວາມທ່ານ
ໂອໄດ ເລົາສູຟັງວ່າ 'ກໍທຳມາຫາກິນຕາມປົກຕິຢູ'.
ເມື່ອຖາມວ່າມັນກໍມີວຽກໃຫ້ເຮັດບໍ່ ທ່ານເວົ້າວ່າ 'ວຽກກະມີໃຫ້ເຮັດຢູ່ແຕ່ບໍ່ຫຼາຍ'
ເພາະບໍ່ເຖິງຍາມເກັບກ່ຽວອັນປົກກະຕິເທື່ອ.
ແລະກຽວກັບການໄປມາຫາສູ່ກັນັັ້ນທ່ານເວົ້າວ່າມີບັນຫາຫຼາຍຍ້ອນການຕ້ອງຫ້າມ
ຕ່າງຍ້ອນ ໂກວິດ-19 ແຕ່ສຳຮັບການເດີນທາງໄປເຮັດເຮັດການ ແມ່ນໄປໄດ້ເພາະ
ທາງການໃຫ້ໃບອະນຸຍາດ.
ເນື່ອງຈາກວ່າການເຣັດວຽກກະເສດແມ່ນມັນເປັນວຽກທີ່ຢູ່ໄກບ້ານເຮືອນ ມີບັນຫາ
ບໍ່ນັ້ນ ທ່ານເວົ້າວ່າ 'ຕ້ອງຢູ່ກິນຢູ່ບ່ອນເຮັດວຽກໂດຍໂຕເອງ' ທັງກໍບອກວ່າຕ້ອງເຊົ່າ
ທີ່ຢູ່ເຊົາຢູ່ໃນຣະຄາ 'ປະມານ 100 ດອນ ຕໍ່ສັບປະດາ'.
ນັ້ນແມ່ນເລົ່າສູຟັງໂດຍຫຍໍ້ໆ ສ່ວນຫຼາຍຣະອຽດກ່ຽວກັບການຢູ່ກິດໃນຊົນນະບົດອອສ
ເຕຼເລັຍ ເປັນແນວໃດ ໂດຍສະເພາະໃນວິກິດ ໂກວິດ-19 ນັ້ນ ຂໍເຊີທ່ານຟັງການສຳພາດ
audio/how-lao-people-in-regional-australia-live-under-covid-19
