* 40.8% ຂອງຄົນທີ່ຢູ່ກິນໃນນີວຊາວທ໌ແວນລ໌ທີ່ມີສິດຖຶກສັກຢາວັກຊີນໂຄວິດ ຖຶກສັກໃຫ້ເຕັມສ່ວນແລ້ວ
* ວິກຕໍເຣັຍປະກາດໂຄງການໃໜ່ສຳຮັບຄົນທີ່ມີຄວາມຍາກຊາກັບການເຊົ່າເຄຫະສະຖານ
* ເອຊີທີຫຼຸດຣະຍະການລໍຖ້າສັກຢາອັສຕຼາຊີນິກາຣະຫວ່າງສີຫາແປດສັບປະດາ
* ຈຳນວນທ່ານໜໍ່ທົ່ວໄປໃນຄີວນສ໌ແລນດ໌ທີ່ສັກຢາ ຟາຍເຊີ ຈະທະວີຂຶ້ນ.
ໃນຣັດນີວຊາວທ໌ແວນລ໌
ນີວຊາວທ໌ແວນລ໌ມີຄົນໃໜ່ເປັນໂຄວິດຈາກທ້ອງຖິ່ນເອງ 1281 ລາຍ ໂດຍທີ 831 ຄົນຢູ່ໃນພາກຕາເວັນຕົກແລະພາກໃຕ້ສ່ຽງຕາເວັນຕົກຂອງຊິດນີ. ມີຫ້າຄົນຕາຍຍ້ອນ.
ຍາຍົກ Berejiklian ເວົ້າວ່າຕົວຢ່າງແຜນການບອກໃຫ້ເຫັນວ່າການເຂົ້າປົວຢູ່ໃນໂຮງພະຍາບານຕ່າງໆຈະມີຫຼາຍທີ່ສຸດພາຍຫຼັງນີວຊາວທ໌ແວນລ໌ມີຄົນຖຶກສັກວັກຊີນແລ້ວ 70% ແຕ່ມັນຈະບໍ່ສະທ້ອນໃສ່ການຜ່ອນຄາຍການຕ້ອງຫ້າມຕ່າງໆ. ໃນເວລານີ້ມີຄົນປ່ວຍຍ້ອນໂຄວິດຢູ່ໃນການດູແລຢ່າງໜັກໜ່ວງ 177 ຄົນ ທີ່ 67 ຄົນຕ້ອງໃສ່ປອດທຽມ.
ໃນຣັດວິກຕໍເຣັຍ
ວິກຕໍເຣັຍມີຄົນເປັນໂຄວິດໃໜ່ຈາກທ້ອງຖິ່ນເອງ 246 ລາຍ ໂດຍທີ່ 121 ຄົນມີສາຍພົວພັນເຖິງບ່ອນທີ່ເປັນທີ່ຮູ້ແລ້ວ.
Richard Wynne ຣັຖມົນຕີເຄຫະສະຖານປະກາດໂຄງການໃໜ່ (ໃຫ້ກົດເບິ່ງ ) ສຳຮັບຄົນເຊົ່າເຄຫະສະຖານທີ່ເສັຍຄ່າເຊົ່າຫຼາຍກ່ວາ 30% ຂອງຣາຍໄດ້ຂອງຂະເຈົ້າ, ແລະຜູ້ໃຫ້ເຊົ່າທີ່ສູນເສັຍຄ່າເຊົ່າ 20% ຫຼືຫຼາຍກ່ວາ.
Australian Capital Territory ເອຊີທີ
ເອຊີທີມີຄົນເປັນໂຄວິດໃໜ່ຈາກທ້ອງຖິ່ນເອງ 11 ລາຍ ໂດຍທີ່ເຈັດຄົນຢູ່ໃນຊຸມຊົນເມື່ອຕິດແປດກັນໄດ້ຢູ່.
ຄົນ ແຄນເບີຣາ ບັດນີ້ສາມາດປ່ຽນການໜາຍນັດສັກວັກຊີນອັສຕຼາຊີນິກາເປັນວັນເວລາໄວຂຶ້ນໂດຍໃຊ້ ຫຼືໂດຍໂທ
(02) 51247700 ຣະຫວ່າງ 7 ໂມງເຊົ້າ ແລະ 7 ໂມງແລງ.
ໃນ 24 ຊົ່ວໂມງທີ່ຜ່ານມາທົ່ວອອສເຕຼເລັຍ
* ໃນຄີວນສ໌ແລນດ໌ທ່ານໜໍທົວໄປ ບັດນີ້ສັກຢາວັກຊີນຟາຍເຊີ ໂດຍຈະມີຕື່ມ 642 ທ່ານເຂົ້າຮ່ວມໂຄງການນັ້ນໃນສອງສາມສັບປະດາຂ້າງໜ້າ.
* ຢາວັກຊີນຟາຍເຊີເກືອບ 500,000 ໂດສ໌ທີ່ໄດ້ຈາກການແລກປ່ຽນຢາວັກຊີນກັນກັບປະເທດອັງກິດມາຮອດຊິດນີແລ້ວໃນວັນອາທິດແລ້ວນີ້ 5 ກັນຍາ 2021.
Quarantine, ການເດີນທາງ, ຄຼີນິກການກວດ ແລະ ເບັ້ຍ pandemic disaster payment.
Quarantine ແລະຄວາມຕ້ອງການກ່ຽວກັບການກວດ ຖຶກຄວບຄຸມແລະບັນຍັດໂດຍຣັຖບານຂັ້ນຣັດແລະ territory.
ຖ້າຫາກທ່ານຢາກເດີນທາງໄປຕ່າງປະເທດ, ທ່ານສາມາດຮ້ອງຂໍ online ສຳຮັບການຍົກເວັ້ນໃຫ້. ກົດໃສ່ ສຳຮັບຂໍ້ມູນຕື່ມອີກກ່ຽວກັບຫຼັກການເພື່ອອອກໄປຈາກອອສເຕຼເລັຍ. ມີວິທີການຊົ່ວຄາວສຳຮັບຖ້ຽວບິນສາກົນທີ່ຖຶກລື້ມພິຈາຣະນາເບິ່ງເປັນປະຈຳໂດຍຣັຖບານອອສເຕຼເລັຍແລະປັບໃຫ້ທັນການຢູ່ທີ່ແວບໄຊຕ໌ .
ໃຫ້ເຂົ້າເບິ່ງການແປຂອງ NSW Multicultural Health Communication Service :
ມີຄຼີນິກການກວດໃນແຕ່ລະຣັດແລະ territory :
ມີຂໍ້ມູນເບັ້ຍ Pandemic disaster payment ໃນແຕ່ລະຣັດແລະ territory :
