Long Day Care (ការមើលថែទាំរយៈពេលវែងនៅពេលថ្ងៃ)
Source: WikiCommons
នេះគឺជាជម្រើសដ៏ទូទៅមួយសម្រាប់ឳពុកម្តាយដែលមានកូននៅក្រោមអាយុចូលសាលា ព្រោះថាពួកគេផ្តល់នូវការមើលថែទាំជាក្រុមចាប់ផ្តើមពីម៉ោង៧ព្រឹកដល់ម៉ោង៦ល្ងាច។ អ្នកអាចជ្រើសរើសចុះឈ្មោះកូនលោកអ្នកពេញម៉ោង ឬក៏ក្រៅម៉ោង (part time)។
Long Day Care ជាទូទៅគិតថ្លៃសេវាមួយថ្ងៃៗមិនមែនគិតតាមម៉ោងនោះទេ។
Family day care (ការមើលថែលក្ខណៈគ្រួសារ)
Source: WikiCommons
Family Day Care គឺជាសេវាកម្មដែលទទួលការអនុញ្ញាតិឲ្យមើលថែទាំកុមារនៅផ្ទះរបស់អ្នកមើលថែទាំផ្ទាល់។ បើធៀបទៅនឹងLong day care នោះ ការមើលថែតាមផ្ទះ Family Day Care មានលក្ខណៈស្រដៀងទៅនឹងបរិយាកាសក្នុងផ្ទះច្រើនជាង ដោយវាជាការមើលថែក្នុងក្រុមតូចមួយមានពេលម៉ោងខ្លី។ ហើយ Family Day Care គិតថ្លៃតាមម៉ោងឬតាមនាទី។
Preschool or kindergarten care (ការមើលថែនៅតាមសាលាមត្តេយ្យ)
Source: WikiCommons
សាលាមត្តេយ្យផ្តល់នូវកម្មវិធីអប់រំនៅក្នុងសាលាមត្តេយ្យដែលបង្កើតឡើងសម្រាប់កុមារអាយុចាប់ពី៣ឆ្នាំដល់៥ឆ្នាំ នៅមុនពេលដែលពួកគេចូលរៀនពេញម៉ោងនៅសាលាបឋមសិក្សា។
Outside school hour care (ការមើលថែក្រៅម៉ោងសិក្សា)
Source: WikiCommons
កម្មវិធីទាំងនេះជាទូទៅផ្សារភ្ជាប់ជាមួយនឹងសាលារៀន ហើយមានសម្រាប់កុមារដែលគ្រប់អាយុចូលរៀន ប៉ុន្តែពួកគេត្រូវការការមើលថែនៅមុនឬក្រោយម៉ោងសិក្សាឬនៅពេលវិស្សមកាល។
Occasional care (ការមើលថែទាំម្តងម្កាល)
Source: WikiCommons
អ្នកអាចឃើញសេវាកម្មនេះនៅតាមមជ្ឈមណ្ឌលសហគមន៍នានា ជួនកាលរៀបចំឡើងដោយការសហការណ៍គ្នារបស់ឳពុកម្តាយ។ ចំនួនម៉ោងសម្រាប់ការមើលថែនេះអាចត្រូវកម្រិតក្នុងសប្តាហ៍និមួយៗ។
សូមទាក់ទងក្រុមប្រឹក្សាសង្កាត់ក្នុងតំបន់លោកអ្នកដើម្បីស្វែងយល់បន្ថែម។
At-home care (ការមើលថែតាមផ្ទះ)
Source: Getty
សេវាកម្មនេះគឺជាសេវាកម្មដែលឧបត្ថម្ភដោយរដ្ឋាភិបាលសម្រាប់ក្រុមគ្រួសារដែលបំពេញតាមលក្ខខណ្ឌជាក់លាក់ណាមួយ ដូចជា មើលថែកុមារដែលមានពិការភាព ឬក៏រស់នៅក្នុងតំបន់ដាច់ស្រយាល ឬក៏មើលថែកូនដែលមិនទាន់គ្រប់អាយុចូលរៀនចាប់ពី៣ឡើងទៅ។
Informal care (ការមើលថែក្រៅផ្លូវការ)
Source: Pixabay
ឧទាហរណ៍ ប្រសិនបើជីដូនជីតារបស់អ្នកទទួលបានប្រាក់សោធននិវត្តន៍ ហើយអ្នកត្រូវមើលថែចៅៗរបស់អ្នក នោះអ្នកអាចនឹងមានសិទ្ធិទទួលបានអត្ថប្រយោជន៍នៃការមើលថែទាំចៅ (Grandparent Child Care Benefit)។
ចុះចំពោះប្រាក់ចំណាយChildcare វិញ?
រដ្ឋាភិបាលអូស្រ្តាលីផ្តល់នូវការជួយគាំទ្រដល់ក្រុមគ្រួសារដែលមានសិទ្ធិទទួលជំនួយខាងផ្នែក childcare នេះ។ អ្នកត្រូវចុះបញ្ជីជាមួយនឹងCentrelink ហើយត្រូវប្រើប្រាស់childcare ដែលទទួលការអនុញ្ញាតិឬចុះបញ្ជីត្រឹមត្រូវ។
Child Care Benefit បង់តាមចំណែកនៃថ្លៃសេវាដែលយើងប្រើប្រាស់ផ្អែកតាមការធ្វើតេស្តប្រាក់ចំណូលក្រុមគ្រួសាររបស់លោកអ្នក ដើម្បីឲ្យដឹងថាតើលោកអ្នកអាចទទួលបានប្រាក់ជំនួយChild Care Benefit នេះប៉ុន្មាន។
Child Care Rebate សងត្រឡប់មកលោកអ្នកវិញចំនួន៥០%នៃប្រាក់ចំណាយដែលលោកអ្នកចាយចេញពីហោប៉ៅរបស់លោកអ្នកផ្ទាល់។ ឧទាហរណ៍អ្នកប្រើប្រាស់សេវាកម្ម Long Day Care ដែលត្រូវបង់$100 ក្នុងមួយថ្ងៃ អ្នកអាចនឹងទទួលបានមកវិញរហូតដល់ទៅ$៤០ឬ$៤៦ពី Child Care Benefit ហើយបន្ទាប់មកនៅសល់$60 ទៀតដែលអ្នកត្រូវបង់ អ្នកអាចទទួលបាន$៣០មកវិញទៀតតាមរយៈ Child Care Rebate។
(CCB) – គឺមានផ្តល់ជូនសម្រាប់ក្រុមគ្រួសារដែលជាប់ការធ្វើតេស្តប្រាក់ចំណូលរបស់នាយកដ្ឋានសេវាកម្មសុខមាលភាពសង្គម។
មិនត្រូវការធ្វើតេស្តប្រាក់ចំណូលនោះទេ ឲ្យតែឳពុកម្តាយបំពេញតាមតម្រូវការដែលតម្រូវឲ្យធ្វើការ ឬក៏សិក្សាឬក៏រៀនវគ្គហ្វឹកហ្វឺននោះ វានឹងជួយរហូតដល់ទៅ៥០%នៃថ្លៃ Childcare រហូតដល់ទៅ$7500 ក្នុងមួយឆ្នាំសម្រាប់កូនម្នាក់។
សម្រាប់ព័ត៌មានបន្ថែមស្តីសូមទាក់ទងទៅកាន់ក្រុមប្រឹក្សាសង្កាត់ក្នុងតំបន់របស់លោកអ្នក ឬចូលទៅកាន់គេហទំព័រ៖ ហើយដើម្បីស្វែងយល់បន្ថែមពីជំនួយហិរញ្ញវត្ថុសូមចូលទៅកាន់៖ .
អ្នកអាចចូលទៅពិនិត្យមើលចំណាត់ថ្នាក់គុណភាពនៃការផ្តល់សេវាកម្មបានតាមរយៈ (ACECQA)
