တၢ်ဟ့ၣ်ဆိတၢ်ဖးအကျိၤအကျဲန့ၣ်မၤတၢ်မၤဒ်လဲၣ်။

လၢတၢ်ကဃုထၢထီၣ် ခၢၣ်စးလၢကဒိးဃုထၢသးအဂီၢ် အီစထြ့လယါကီၢ်စၢဖှိၣ်တၢ်ဃုထၢသ့ၣ်တဖၣ်န့ၣ် သူဝဲဒၣ်တၢ်ဟ့ၣ်ဆိတၢ်ဖးကျိၤကျဲသနူန့ၣ်လီၤ။ တၢ်ပာ်ဖျါအံၤ ကပာ်ဖျါဘၣ်ဃး တၢ်ဟ့ၣ်ဆိတၢ်ဖးကျိၤကျဲသနူသ့ၣ်တဖၣ်မၤတၢ်မၤဒ်လဲၣ်အဂ့ၢ်န့ၣ်လီၤ။

File photo of a voter placing a ballot paper in the ballot box Source: AAP.jpg

ကီၢ်စၢဖှိၣ်တၢ်ဃုထၢ အတၢ်ဖံးတၢ်မၤသ့ၣ်တဖၣ်န့ၣ် ဝးတရံးဝဲဒၣ်အသးဖဲ တၢ်ဟ့ၣ်ဆိတၢ်ဖးကျိၤကျဲသနူအဖီလာ်န့ၣ်လီၤ။

ဖဲအီစထြ့လယါကီၢ် တၢ်ဟ့ၣ်ဆိတၢ်ဖးအပူၤန့ၣ် ပှၤဟ့ၣ်တၢ်ဖးသ့ၣ်တဖၣ် ဖဲအဝဲသ့ၣ်တၢ်ဟ့ၣ်တၢ်ဖးလံာ်ကဘျံးသ့ၣ်တဖၣ်အပူၤန့ၣ် အလီၢ်အိၣ်လၢ ဘၣ်ဃုထၢဝဲဒၣ် ပှၤလၢအဝဲသ့ၣ်အဲၣ်ဒိး လၢအကဲခၢၣ်စးလၢတၢ်ဒိးဃုထၢအသးန့ၣ်လီၤ။