Cov kev sib teev theev txog lajfai kum xeeb

Tus coj ntawm lub koom haum Amplify hais tias nws xav txhawb nqa kom neeg Australia los muaj feem koom nrhiav tswv yim los kho ntau yam teeb meem tseem muaj rau tej cai thiab los daws ntau yam tseeb meem uas tseem ceeb rau lawv.

The front entrance of Parliament House in Canberra Source: AAP / MICK TSIKAS/AAPIMAGE

Tsis ntev los no ces kuj pom tias zoo li neeg Australia tsis tshua kub siab txog tej laj fai kum xeeb lawm.

Raws li tau muaj ib cov kev teeb txheeb nrog neeg Australia txog li 4,000 tus ces pom tau tias muaj tshaj 80 feem pua ntseeg tias tej nom tswv tsuas kub siab kom lawv yeej los ua nom xwb, tsis kub siab tsim tej cai zoo los siv thiab lawv xav muaj feem koom rau cov kev txiav txim siab los tsim cai siv.

Lub koom haum Amplify (amplify.aus.org) thiaj yog ib lub koom haum muaj ib cov program rau tej neeg mus koom tawm tswv yim tab sis tsis yog tib qho chaw uas tej neeg muaj peev xwm koom xwb. Nws tseem tsim ntau yam activities hauv tej zejzog kom ntau yam neeg ua lub neej sib txawv, hnoob nyoog sib txawv thiab nyob ntau qhov chaw sib txawv muaj feem koom los tawm tswv yim, sib theev theev thiab tham txog ntau yam tseem ceeb rau lawv.''

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.