Xov tooj tes thiab cancer

Cov kev siv mobile phones uas ua rau mob cancer? Tej kws teeb txheeb muaj xo zoo teb.

Mobile phone Source: SBS

Raws li Australia tej kws teeb txheeb tau coj ntiaj teb 10 lub teb chaws tej kws teeb txheeb tau mus txheeb ntiaj teb cov kev teeb txheeb ntau dua 5,000 cov dhau los ua tau teeb txheeb txog cov kev siv tej xov tooj mobile phones thiab kab mob cancer txij xyoo 1994 txog 2022, ces lawv kuj xaus tau lus tias tsis muaj feem cuam tshuam ua rau mob cancer dab tsi, thiab yeej tau txais kev txhawb nqa ntawm ntiaj teb lub koom haum tswj dej num noj qab haus huv.

Associate Professor Ken Karipidis uas yog tus coj cov kev teeb txheeb no thiab yog tus neeg ua hauj lwm pab tus coj ntwm lub koom haum Australian Radiation Protection and Nuclear Safety Agency uas txheeb seb cov kev siv xov tooj puas ua rau muaj teeb meem tsis tau txais kev noj qab nyob zoo dab tsi tau qhia tias:

Qhov tseem ceeb tshaj plaws uas peb txheeb tau los ntwm cov kev tshuaj ntsuam txog cov kev siv mobile phone thiab lwm yam twj uas muaj cov radiowaves thiab ntau yam kab mob cancer, ces pom tau tias tsis muaj kev sib cuam tshuam dab tsi los ntawm cov kev siv tej xov tooj no thiab ntau yam kab mob cancer sib txawv dab tsi.

Lead researcher Associate Professor Ken Karipidis is the health impact assessment assistant director Australian Radiation Protection and Nuclear Safety Agency.

Tej kws teeb txheeb no kuj tseem txheeb tau tias tsis muaj kev cuam tshuam dab tsi rau cov kev siv tej xov tooj no ntev txog 10 los yog ntev tshaj ntawd, tsis hais lawv yuav siv li cas li, yeej tsis muaj teeb meem dab tsi.

Paws kws teeb txheeb no yeej tseem xaus lus ntxiv tias tej ncej xov tooj, tej ncej tshaj xov tooj cua, tej ncej TV los kuj tsis ua rau mob cancer dab tsi thiab txawm tias xyoo 2011 lub koom haum International Agency for Research on Cancer tau hais tias cov radio waves ''tej zaum yuav ua rau mob tau cancer rau tib neeg'' tab sis kuj tsis muaj peev xwm qhia tau qhov tseeb tias puas muaj feem cuam tshuam tiag.

Ces tej kws thiaj xav qhia rau zej tsoom paub tam sim no tias cov kev siv yus tej xov tooj tau txais kev nyab xeeb.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.