5 txoj hauv kev yuav pab kom koj nrhiav tau hauj lwm ua:
Source: aap_0-1.jpg
1. Yuav tsum tau txiav txim siab seb koj xav ua yam hauj lwm dab tsi.
Yog li koj yuav tsum tau tshawb kom paub txoj hauj lwm koj xav ua ntawd kom ntxaws uas nrhiav tau xov xwm hauv online los yog nrog tej neeg paub zoo txog cov hauj lwm thiab lagluam cuam tshuam txog cov hauj lwm ntawd tham. Thiab yuav tsum txiav txim siab seb koj xav ua hom hauj lwm li cas piv txwv li: full time, part time, casual, contract, or self-employed.
Source: Pixabay_public_domain.jpg
2. Yuav tsum npaj seb yuav nrhiav hauj lwm li cas thiab yuav tsum tau qhib ib tug email account hauv internet rau koj tau siv.
Yuav tsum ua zoo xyuas kom qhib tau ib tug email account rau koj siv thiab yuav tsum tau los txheeb xyuas tej tswv yim los yog cov hauv kev nrhiav hauj lwm ua ntawd. Cov tswv lagluam feem coob ces yeej xav kom koj xa koj daim ntawv thov ua hauj lwm (Job applications) mus rau lawv ua ntej. Yog li yuav tau muaj email tsim nyog siv thaum koj ua hauj lwm los yog nrhiav hauj lwm ua ntawd.
Source: (AAP Image/Lukas Coch) NO ARCHIVING
3. Npaj koj tsab ntawv qhia txog koj tus kheej seb kawm ntawv tiav li cas, ua hauj lwm dab tsi dhau los, thiab teev cov neeg uas tus tswv lagluam tshiab xav nrog tham nug txog koj (Resume los yog CV: Curriculum vitae ), tsis tas li no tseem yuav tau luam koj ib cov ntauub ntawv tom ntxiv rau (ntawv kawm tiav, ntawv qhua ua tau hauj lwm zoo, kawm tau zoo, los yog tau khoom nplig) xa rau tus tswv lagluam thiab yog tias lawv nug thiab lawv xav tau ces yuav tsum nrhiav kom tau rau lawv.
Source: (AP Photo/Jacquelyn Martin)
4. Koj yuav tsum tau mus teev zwm npe nrog Centrelink thiab lwm lub chaw pab koj nrhiav hauj lwm ua.
Lub tuam chav li Centrelink thiab Job Services Australia yeej muaj ntau cov kev pab cuam pub dawb coj los pab rau cov neeg nrhiav hauj lwm ua thiab. Tsis tas li no lawv tseem ntiav ib cov neeg tuaj ua hauj lwm pab koj kom koj nrhiav tau hauj lwm ua thiab yog tias koj thov tau cov nyiaj pab cuam Centrelink payments ntawd.
Source: (AAP Image/Dan Peled)
5. Yuav tsum tau mus ntsib mus cuag thiab sib txuas lus nrog tus tswv lagluam thiab siv tej neeg koj paub pab koj nrhiav hauj lwm ua.
Yog li ces mus nrog tej tswv lagluam uas tej zaum lawv xav yuav neeg ua hauj lwm thiab ho siv tej neeg koj paub vim lawv yog ib cov neeg tseem ceeb yuav pab koj nrhiav tau hauj lwm ua. Yuav tau nug koj tej phooj ywg, koj tsev neeg uas tej zaum lawv paub tias qhov chaw twg muaj hauj lwm ua ces soj qab taug lw nug thiab nrhiav seb puas tau.
Source: Pexels_public_domain.jpg
Mloog tau tus kwv tij Hmoob Suav tuam tshoj tham txog tias kwv tij Hmoob Suav tuam tshoj xav kom tus tswv nroog Pajtawg lag yuav tsum tau ua li cas rau Hmoob Suav tuam tshoj tom qab nws hais lus thuam saib tsis tau Hmoob raws li hauv qab no:
Tsim nyog Kim QongChing uas yog tus tswv nroog Wenshan ntawm paj tawg lag hauv xeev Yunan yuav tsum tau los ua dab tsi vim nws tau hais lus saib tsis tau Hmoob Suav tuam tshoj?
Mloog tau Dr. Ywj Pheej Xyooj cov lus tawm tswv yim txog cov xwm txheej uas QongChing tus tswv nroog Paj Tawg Lag Wenshan ntawm xeev Yunan hauv Suav tuam tshoj hais lus thuam saib tsis tau kwv tij Hmoob suav tau hauv qab no:
Mloog tau Hmoob zaj dab neeg uas muaj teeb meem cov nyom uas ib tug poj niam Hmoob Hawj hais hauv Nplog teb tau hauv qab no :
Thiab muaj lwm yam xov xwm uas koj muaj peev xwm mloog tau ntawm xov tooj cua SBS Radio lub vam sab:
Los yog hu xov tooj tuaj koom tham tawm tswv yim nrog SBS Radio Hmong Program tau txhua hnub zwj Feej txog zwj Hnub (Wednesday - Sunday) tau. Los sis hu xov tooj + 61 03 9949 2259 thiab xa email tuaj rau ntawm xov tooj cua SBS Radio Hmong Program tau tib yam. Zoo siab tos txais txhua leej txhua tus.
