Xov xwm luv tshaj tawm hnub zwj Quag (Tuesday news 10.09.2024):
Cov kev tshuaj ntsuam tshiab hu ua Redbridge Polling rau Everybody's Home txheeb tau tias tej neeg xaiv nom uas yog cov tseem hluas thiab tej neeg hnoob nyoog txij 50 xyoo los yog siab tshaj ntawd yeej xav kom tej nqe vaj tse pheej yig li tam sim no los yog kom pheej yig tshaj qub ntxiv.
Gaza lub koom haum civil emergency services tau qhia tias Israel cov kev siv dav hlau tua ib lub yeej thaj nam sab qab teb ntawm Gaza tau ua rau muaj neeg Palestinians tas sim neej thiab raug mob 65 leeg. Tab sis Israel tej tub rog hais tias tsuas yog lawv tus Hamas ib lub yeej xwb.
Penny Wong uas yog Australia tus nom txawv teb chaws tau qhia rau The Quardian Australia tias nws tseem koom tes nrog Askiv tsub nias kom Israel kub siab ua raws pej kum haiv cai pab tej neeg txom nyem rau lub caij muaj neeg tas sim neej ze txog 41,000 tus ntawm Gaza thiab zoo siab rau Askiv cov kev txiav txim siab xa riam phom tsawg zog rau Israel.
Tau muaj ib tsab ntawv cej luam tshiab tau hais kom lub koom haum national power of attorney laws pov puag tej neeg Australia uas tsis muaj peev xwm pab tau lawv tus kheej. Vim rau qhov tias zoo li pheej rau lwm tus siv lub fwj chim no los tswj nyiaj txiaj thiab txiav txim siab sab cai lij choj rau ib tug twg. Lub koom haum Australia Human Rights thiaj xav kom tej neeg nkag siab txog lawv tej cai thiab tej luag hauj lwm thiab xyuas kom muaj kev pov puag thiab siv tau lub fwj chim no zoo tshaj qub ntxiv.
Tsoom fwv teb chaws tau qhia tias yuav muaj cov gender equity quotas rau tej poj niam thiab txiv neej los ua cov coj sib npaug ntawm tej koom haum sib tw txuj lub 7 hli ntuj xyoo 2027 mus.
Asmeskas tej nom tswv tswj kev xaiv tsa thiab Kamala Harris uas yog tus neeg pab nom Democrats xai mus sib tw President tsis pom zoo nrog Donald Trump tej lus tawm tswv yim uas nws tau hawv tias yuav coj tej neeg cuam tshuam txog cov kev ua tsis ncaj rau cov kev xaiv tsa mus kaw yog tias nws yeej cov kev xaiv tsa tim 5 lub 11 hlis ntuj xyoo 2024 no.
Ze ze rau qhov uas tej zaum Australia yuav los qhia hnub zwj Quag (Tuesday) tim 10 lub 9 hli ntuj 2024 no tias seb puas pub ib txhia me nyuam yaus hnoob nyoog qes dua 14 xyoos siv tej social media platforms.
Lub khaub zeeg cua Yagi uas muaj zog tshaj plaws ntawm cheeb tsam Asia tau ua rau Cob tsib muaj neeg yam tsawg 49 leeg tas sim neej thiab 22 tug tau ploj rau lub caij lub khaub zeeg cua no ua rau muaj av toj pob thiab tsis tau hluav taws xob siv rau ntau million yim thiab tej lagluam hnub zwj Cag ntawm tej ntug hiav txwv sab hnub tuaj qaum teb ntawm lub teb chaws no.
Graham Arnold uas yog Australia pab Socceroos tus coach qhia tias Australia yuav tau npaj kom zoo thaum sib tw nrog Indonesia tom qab tau swb rau Barhain ntawm Gold Coast hnub zwj Teeb dhau los kom thiaj qualify sib tw world Cup 2026.
Vientiane Times tau tshaj tawm tias Nplog tus thawj pwm tsav Sonxay Siphandone tau nrog Nplog lub txhab nyiaj haiv tham kom npaj ib cov nyiaj tsawg, nrab thiab ntau los pab Nplog tej neeg ua lagluam thiab qhia kom lawv paub ua lagluam.
Bangkoj Post tau qhia tias kuj tau muaj ib co neeg tau xa ib tsab ntawv rau Thaib lub koom haum tswj kev xaiv tsa kom muab pab nom Pheu Thai rhuav vim muaj ib txhia nom tseem ceeb ntawm tus tsoom fwv tam sim no muaj feem xyuam nrog Thaksin.
Tsis tas li ntawd los Thaib tus nom tswj lub tuam txhab nyiaj kub qhia tias yuav tau kho Thaib cov tax system vim pom tias sau se kim heev rau tej neeg ntiag tug thiab tej lagluam piv rau tej se pej kum haiv sau.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
