Xov xwm luv tshaj tawm hnub zwj Feej (Wednesday 28.08.2024):
Bill Shortern uas yog tus nom tswj cov hauj lwm National Disability Insurance Scheme hasi tias tau xaiv Ms Louise Blanville uas yog tus coj lub koom haum National Disability Insurance Agency thiab kuj yog tus coj lub koom haum Victoria Legal Aid los ua tus tswj lub koom haum National Disability Insurance Safeguards and Quality Commission lawm.
Hais txog tej nqe khoom uas kim tuaj ntxiv ntawd ces kuj pom tias tsaib no tau kim tuaj ntxiv txog li 3.5 feem puas lawm thiab cov tseem ceeb tshaj plaws ces yog nqe tsev, nqe dej caw, luam yeeb, nqe zaub mov, thiab tej khoom haus uas tsis yog cawv thiab tej nqe transport.
Tej coj ntawm tej tsev kawm qib siab tau tawm tswv yim sib txawv rau lub caij tsoom fwv Australia tau qhia tias nws yuav txo tej tub kawm pej kum haiv ntawm 500,000 tus los ua 270,000 tus xyoo 2025 tom ntej no. Thiaj ua rau tus coj lub koom haum sawv cev rau Australia tej tsev kawm qib siab hais tias yuav ua rau tsis tau nyiaj los ntawm tej tub kawm pej kum haiv.
Senator Max Chandler Mather kuj ntsib teeb meem cov nyom tom qab tau tshwm ntsej muag ntawm tej lub koom haum CFMEU cov kev rwg npoj ntawm Brisbane rau lub caij muaj ntau caum txheeb tus neeg tawm tsam thoob Australia nqua hu kom tsoom fwv thim nws cov kev txiav txim siab yuav tso ib ceg koom haum no rau lwm tus tswj ib ntus vim raug iab liam tias muaj feem nrog tej neeg ua txhaum cai thiab lwg noj lwg haus ua tsis ncaj.
Thawj pwm tsav Anthony Albanese qhia tias tau txais kev txhawb nqa rau Australia los ua cov hauj lwm Pacific Policing Initiative uas yuav teeb tsa ib cov chaw qhia tej tub ceev xwm ntawm sab qaum teb ntawm Australia thiab xyaum qhia txhua cov teb chaws Pacific , uas yuav siv nyiaj txog li ntawm $400 million dollars thiab ua cov hauj lwm no rau lub caij 5 xyoos.
Lub tuam txhab supermarket Woolworths tau qhai tias nws thaum xaus xyoo tom ntej no (2025) nws yuav tsis yuav tej khoom uas tsim tau los uas cuam tshuam txog cov kev txov zoov li tej nqaij nyuj, tej ntawv, tej noob txiv cocoa thiab tej noob kasfes ntxiv lawm. Gemma Plesman ntawm lub koom haum Greenpeace Australia thiaj qhia tias ib xyoos twg cov kev txov zoov ua rau tej tsiaj qus raug tua los yog raug mob txog li 100 million tus.
Amanda Rishworth uas yog tus nom uas tswj cov hauj lwm pab cuam zej tsoom hais tias tsoom fwv tej tswv yim uas tsim coj los tswj kom tau gas siv rau yav pem suab no yuav txhawb nqa kom tau cov energy sources tshiab siv. Tab sis lub tuam txhab gas loj tshaj plaws uas yog APA hais tias Labor cov kev raus tes rau tej kiab khw xyoo 2022 ua rau muaj kev nqes peev tsawg lawm.
Sai sai no ces tej zaum kuj yuav muaj peev xwm siv tau Australia tej kws ntawm tsev kawm qib siab Monash University cov twj uas tsim coj los hno ntshav ntawm tej ntiv tes txheeb tej protein tias seb ib tug twg puas yuav muaj cib fim mob tau Alzheimer.
Tsev hais plaub federal court kuj tau txiav txim rau Australia cov neeg txum tim ntawm New South Wales muaj cai ua tswv av rau thaj av dav txog 99,000 square kilometres uas lawv muaj cai tua tsiaj qus, siv tej luaj pua, tua tsiaj qus, nuv ntses thiab saub qoob loo los yog ua lawv tej kab lis kev cai.
Aleksandr Syrskyi uas yog Ukraine tus hau rog kuj tau qhai tias lub caij 3 limtiam uas Ukraine tau tawm tsam Russia thaj chaw Kursk ces lawv kuj txeeb tau 100 lub yeej thiab kuj txhom tau Russia tej tub rog ze txog li ntawm 600 tus.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
