Key Points
- “Stop it at the Start - Xaus thaum tseem yuav pib” yog ib cov kev taw qhia uas muaj lub hom phiaj daws tau tej voj voog tsim kev kub ntxhov uas yog tej laus txhawb nqa kom tej hluas coj zoo
- Peb yuav tsum tau tso tseg cov kev yeb thiab qhia tej cwj pwm sib hwm rau tej me nyuam yaus
- Yeej muaj xov xwm ntau yam qhia koj kom paub tham txog tej no
Koj ib txwm hnov txog sob lus “boys will be boys - txiv neej yeej ib txwm coj li ntawd” los sis yog “it’s OK, he just did it because he likes you - Tsis ua li cas, tos nws ho tau ua li ntawd los twb vim yog nws nyiam koj”, txog tej cwj pwm uas tsis hwm los yog coj nruj ntsiv rau tej me nyuam ntxhais thiab tej poj niam?
Txawm tias tej sob lus no zoo li saib saum daim npoo tawv lawm tsis khuab qhov muag, tab sis kuj yog ib co sob lus uas tej zaum lawv tsis ras txog tias twb ua kom lawv coj tej cwj pwm nruj tsim uas yog tej yam uas lawv kawm tau los ntawm tej txiv neej los sis yog qee yam uas tej poj niam ua rau lawv coj tej cwj pwm no, raws li tej kws paub zoo txog tej dej num no hais.
Txawm tias tsis yog txhua cov kev tsis hwm lwm tus neeg yuav ras los ua teeb meem kub ntxhov, los peb yeej paub tias cov kev tsis hwm lwm tus no ntag yog cov yuav ua rau muaj teeb meem kub ntxhov. Thiab peb yeej muaj peev xwm xaus tau tej voj voog teeb meem no thaum tseem yuav pib.
LISTEN TO
Tswv yim pab xaus voj vooj teeb meem tsim kev kub ntxhov
SBS Hmong
04/09/202218:03
Cov kev taw qhia “Xaus thaum tseem yuav pib - Stop it at the Start” yog dab tsi?
nod yog ib co uas lub koom haum Council of Australian Governments tau muaj hom phiaj yuav los xaus tag nrho txhua cov kev kub ntxhov uas tau muaj sawv daws.
Tau pib muaj cov kev taw qhia txog tej no rau xyoo 2016 tom qab tau muaj xov xwm ntau heev qhia tias muaj tej teeb meem kub ntxhov ntau heev rau tej poj niam me nyuam.
Raws li tej xov xwm ua tau los ntawm lub koom haum Australian Bureau of Statistics (ABS) tau qhia ces:
- Ib tug ntawm peb tug poj niam twg yeej raug lwm tus neeg uas lawv paub twg ntaus lawv lub cev ntaj ntsug los sis yog raug lwm tus yuam deev txij thaum lawv muaj hnoob nyoog 15 xyoos lawm.
- Muaj yuav laug txhua txhua ib tug ntawm plaub tug poj niam twg yeej raug lawv tus partner cem thuam saib tsis taus los yog hawv ua kom lawv ntshai thiab tu siab txij thaum tej poj niam no muaj hnoob nyoog 15 xyoos los lawm.
Peb yeej paub tias yeej muaj ib (1) tug poj niam twg uas yog tus zauv nruab nrab uas raug lawv tus txiv tam sim no los yog nram ntej ub tua tuag rau txhua txhua 10 hnub twg.Assistant Minister for Social Services and Prevention of Family Violence, Justine Elliot
Justine Elliot uas yog tus neeg ua hauj lwm pab tus nom tswj dej num pab cuam zej tsoom thiab tiv thaiv teeb meem kub ntxhov hauv lub cuab yig qhia rau SBS hais tias “Tib txoj xub ke yuav pab kom muaj tej teeb meem no tsawg ces yog yuav tsum tau kub siab tiag tiag los nrog daws cov kev tsis tau txais vaj huam sib luag ntawm poj niam txiv neej thiab lwm yam kev faib cais thiab tej kev plam txiaj ntsim.”
Cov kev lees paub tias tej hluas tej cwj pwm yog tau txais fwj chim los ntawm tej laus, tej neeg tu tsom kwm saib xyuas lawv, los yog tej neeg muaj fwj chim ib puag ncig lawv, ces cov kev taw qhia no thiaj muaj hom phiaj yuav tau qhia rau tej ua niam txiv thiab tej tub koom siab ib tug twg hauv tsev neeg uas yog tej me nyuam yaus hnoob nyoog txij 10 xyoo txog 17 xyoo yuav tau los txheeb txog lawv tej kev xav thiab tsim nyog yuav tau cob qhia los ntawm tej qauv piv txwv zoo.
Lees paub txog tej voj vooj tsim kev kub ntxhov
Dr Rosina McAlpine uas yog ib tug kws paub zoo txog tej niam txiv cov kev qhuab ntuas tub ki thiab kuj yog ib tug neeg sau phau ntawv tis npe hu ua Inspired Children - Txhawb me nyuam yaus hais tias “Tsis yog tias tsuas pib muaj tej teeb meem no xwb tab sis nws tseem ras los ua ib co teeb meem loj tuaj ntxiv thiab.”
Dr McAlpine kiag los yeej tau loj hlob thiab yeej tau ntsib tej teeb meem kub ntxhov ntawm ib yim neeg uas tej teeb meem kub ntxhov no raug cob qhia ntawm ib phaum txuas ntxiv rau lwm phaum neeg li ntawm nws yawg rau nws txiv thiab.
Nws hais tias ''Peb txiv yeej yog phaum neeg uas lawv ntseeg tias yuav tsum tau qhuab qhia, thiab ntaus me nyuam mas tej me nyuam thiaj tsim txiaj."
Past generations believed that discipline and corporal punishment was the way to raise good kids. Credit: FluxFactory/Getty Images
Nws yeej tseem co tau tias yuav tau hnav ris tsho ceg ntev thiab tej ris zawm vov tej thaj chaw doog rau lub caij ntuj so thiab.
“Tab sis thaum ntawd ces yeej tsis muaj ib tug twg yuav hais dab tsi li, ces thiaj zoo li yog tej yam uas yeej ib txwm ua hauv peb tej zejzog.
“Ces yus yeej paub tias muaj ntau yam cwj pwm tsis zoo uas tsis kub siab tu tsom kwm tej me nyuam los sis pheej ntau me nyuam tas mus li, thiab yeej muaj neeg coob heev ua li ntawd. Ces tam li yog me nyuam yaus peb thiaj swm rau tej tswv yim ntawm tej cuab yig tia zoo li cas, yam twg ua tau tsis pub ua yam twg, thiab ua li cas thiaj yog ua li cas tsis yog.''
Tab sis yog tim dab tsi tiag thiaj ho daws tsis tau lub pob caus voj vooj uas hloov tau nyuaj heev li Dr McAlpine txiv coj ntawd, los yog coob tus uas tsim kev kub ntxhov, uas lawv ntseeg tias tej lawv ua ntawd yog tej yam tsim nyog ua coj los qhuab ntuas tej me nyuam.
Ces thiaj tseem ua rau muaj tej voj voog teeb meem no txuas ntxiv vim lawv tsis paub siv lawv txoj xub ke lawm, raws li nws tshab txhais.
Thaum kuv tseem yau, ces kuv yeej txhawj tias tsam kuv zoo li kuv txiv. Kuv thiaj tau siv ntau xyoo los teeb txheeb thiab qhia tej tswv yim uas uas tsim nyog tej niam txiv qhuab ntuas tub ki rau lwm tus. Ces kuv thiaj daws tau tej voj voog tsim teeb meem kub ntxhov ntawm kuv tsev neeg lawm.Dr Rosina McAlpine, Parenting expert and author of 'Inspired Children'.
Xaus cov kev yeb
Cov kev pheej yeb ub yeb no thiab coj twj cwj pwm tsis hwm los yog nruj tsiv rau tej me nyuam ntxhais muaj peev xwm yuav ua rau tej hluas muaj cov kev xav tias qhov twg yuav nyog los yuav tsis nyog lawm.
uas muaj nyob hauv lub vas sab taw qhia no thiaj qhia txog tias tej lus hais ntawd muaj tej ntsiab lus zais li cas.
Yog li ntawd tej sob lus uas tej zaum yus xav tias tsis khuab qhov muag dab tsi li “boys will be boys - txiv neej yeej coj li ntawd” tej zaum tej poj niam kuj yuav xav tias “tej ntawd yeej yog tej txiv neej coj - ntshe kuv yuav tau ua zoo xyuas kom swm” los sis tej zaum yuav ua rau tej txiv neej pheej xav tias “peb tej txiv neej ces yeej zoo li ntawd, tsis ua li cas”.
Dr McAlpine hais tias peb yuav tsum tsis txhob pub muaj tej kev yeb no thiab yuav tau qhia tej me nyuam kom paub txog tej cwj pwm hwm lwm tus tias yog li cas tiag.
Parents and carers have the responsibility to educate children about respect Credit: MoMo Productions/Getty Images
Xyuas kom muaj cov kev sib tham txog tej no yam qhib siab lug thiab sib tham tas mus li
Raws li Ms Elliot hais ces ib feem ntawm cov kev taw qhia ntawd ces yeej yog “xav txhawb nqa kom sawv daws kub siab txog, muaj cov kev sib tham yam qhib siab lug thiab tham txog tej kev sib raug zoo uas muaj kev sib hwm thiab kev vaj huam sib luag ntawm poj niam thiab txiv neej ua ntuv zus."
“Yog li thiaj yog tej yam tseem ceeb heev uas yuav tau pib tham txog tej no."
Cov kev tham txog tej cwj pwm tsis hwm lwm tus los sis yog tej cwj pwm coj nruj tsiv nrog tej me nyuam yeej tsis yog tej yam ua tau yooj yim thiab. Tab sis tej niam txiv thiab tej neeg tu tsom kwv lawv yuav tsum npaj kom txhij los tham txog tej no thiab kom tham txog tej no tas mus li.
Tsis txhob xav tias tej me nyuam tseem yaus heev tsis tau paub tab los sis yog ntshe lig dhau heev lawm uas yuav nrog yus tej me nyuam tham txog tej noDr Rosina McAlpine
Ib co xov xwm ntawm ntau cov uas muaj hauv cov kev taw qhia ntawd ces yog . Yog ib co twj uas yuav pab kom koj paub pib tham thiab paub teb los yog paub cob qhia koj tej me nyuam kom nkag siab txog tej no.
Tsis hais poob rau theem twg li tam li yog lees kais, niam txiv, ces yog tej yam tseem ceeb heev uas xav kom peb tsis txhob yeb dab tsi hlo li, tab sis xav kom peb tso tseg cov kev yeb no thiab pib qhia, thiab pib sib tham txog tej cwj pwm uas muaj kev sib hwm ntawd tias yog dab tsi rau tej me nyuam.Dr Rosina McAlpine
Dr McAlpine hais tias yog thaum tej me nyuam sib ntaus, ces tsis xav kom ''siv cov kev yeb'' los lug hla kom dim dhau ntawm tej xwm txheej ntawd, tab sis yuav tsum tso tseg cov kev yeb no thiab nug lawv tias, '' tej no puas yog tej cwj pwm zoo?'', ''tej no puas yog ib cov kev hwm lwm tus?'', ''thiab koj ho yuav xav li cas yog tias lwm tus ho ua li ntawd rau koj?''
Tsis tas li no los kuj musj ib co uas yuav pab kom tej niam txiv thiab tej tub koom siab ntawm tsev neeg los txheeb txhiab nkag siab txog seb tej me nyuam no ho xav li cas rau cov kev hwm lwm tus, kom yus thiaj li paub pib los tham txog tej no.
Siv tej tswv yim haum raws li tej kab lis kev cai los daws tej teeb meem no
Ms Elliot hais tias yeej muaj cov kab theem tsim kev kub ntxhov rau tej poj niam me nyuam ntau dua rau ib cov neeg zejzog uas coj ntseeg thiab hais ib hom lus twg, tib yam li tej neeg Aboriginal thiab Torres Strait Islander thiab.
Yog li ntawd tej coj ntawm tej zejzog neeg no thiaj muaj lub luag hauj lwm tseem ceeb nrog xyuas kom daws tau tej teeb meem no haum raws li lawv tej kab lis kev cai.
Maria Dimopoulos yog tus coj lub koom haum Safe and Equal, uas yog ib lub koom haum pab cuam tej neeg raug teeb meem kub ntxhov hauv lub cuab yig tsi ntsees ntawm xeev Victoria.
Nws hais tias yog thaum tham txog cov kev tiv thaiv kom tsis txhob muaj teeb meem kub ntxhov hauv lub cuab yig rau tej poj niam me nyuam ntawm tej zejzog no lawm, ces peb yuav tsum ua zoo xyuas kom nrhiav tau ib lub tswv yim ''uas siv tau haum raws li tej kab lis kev cai, cov kev sib kho thiab qhov tseem ceeb ntawm lub tswv yim ntau tsav neeg hais ntau hom lus thiab coj ntau cov kev ntseeg yuav ua rau muaj teeb meem cuam tshuam tau thiab''.
Txhob xav txog tej uas yuav muaj teeb meem rau peb tej kab lis kev cai los yog kev ntseeg xwb, tab sis yuav tsum xav hais tias seb ho yuav siv tej no coj los ua tej yam li cas uas tsim kom muaj cov kev kub siab los muaj feem koom thiab thiab tau txais txiaj ntsim zoo rau peb tej zejzog?Maria Dimopoulos, Chair of Safe and Equal
Yog li cov kev taw qhia 'Stop it at the Start-Xaus thaum Pib' no ua lwm yam lus thiab ua cov lus keeb cag neeg thiab yeej muaj peev xwm nrhiav tau ntawm .
Tej kev taw qhia no yeej siv tau hauj lwm
Cov kev taw qhia 'Stop it at the Start -Xaus thaum Pib' no ces twb pib tau xyoo 4 rau xyoo no lawm, thiab kuj pom tau tias yeej muaj tag nrho tej neeg uas tau koom txog li 68 feem puas yeej nco tau ib yam uas cov kev taw qhia no qhia kom ua.
Ms Elliot hais tias "82 feem pua ntawm tej neeg uas tau pom cov kev taw qhia no yeej nkag siab thiab lees paub txog lawv lub luag hauj lwm uas yuav qhia kom tej hluas paub tias coj cwj pwm hwm lwm tus.''
Yog li ntawd, xav kom peb qhia peb tej me nyuam txog tej cwj pwm hwm lwm tus. Kom lawv thiaj ras txog tej voj voog tsim teeb meem kub ntxhov, ces peb thiaj yuav muaj peev xwm xaus tej teeb meem no thaum tseem yuav pib, thiab ras los ua ib co qauv piv txwv zoo rau lwm tus.
Support and Services
If you or someone you know is impacted by sexual harassment or assault, call 1800RESPECT on 1800 737 732 or visit
In an emergency, call 000.
