Yuav muaj 5 million tus neeg Australia yuav tau nyiaj welfare ntau tuaj ntxiv lub hli no, hos lwm cov ces kuj yuav txuag tau nyiaj rau Australia cov kev muaj peev xwm yuav tau tshuaj siv txog 60 hnub (2 hlis) uas siv tau nthuav dav tuaj ntxiv.
Ntawm tej nyiaj welfare uas yuav tau ntau ntxiv ces yog cov age pension thiab cov JobSeeker uas them raws cov indexation, uas tsoom fwv hais tias ''yuav tau coj los pab rau lub caij uas tseem muaj nuj nqes siv ua lub neej ntau yam uas kim tuaj ntxiv no.''
Tab sis lub koom haum Australian Council of Social Service (ACOSS) uas yog lub koom haum tseem ceeb uas sawv cev rau tej koom haum pab cuam zejtsoom hasi tias txawm tias tau pab ntau ntxiv los tej nyiaj pab ntawd yeej tseem tsis tau txaus.
Lub koom haum no tau sau ib co lus rau nws phau social media account hnub zwj Hnub (Sunday) tias "ACOSS yeej zoo siab rau cov kev pab tej nyiaj no, tab sis qhov teeb meem tseem ceeb tiag tseem nyob li qub: tsis hais yog cov nyiaj pab JobSeeker, Youth Allowance vim tseem tsawg heev thiab tsis txaus.''
Nws tau hais tias tsoom fwv yuav tsum tau nce tej nyiaj pab no yam tsawg ua AUD $80 ib hnub twg ''kom tej neeg thiaj tau nyiaj txaus siv yuav tej khoom ua tau lub neej uas tsim nyog ua tau.''
Cov nyiaj age pension yuav tau ntau npaum li cas ntxiv?
Tib tug neeg xwb ces yuav tau $28.10 rau 2 limtiam twg; ces thiaj yuav tau nyiaj ua $1,114.40 rau 2 limtiam twg lawm.
Hos ib nkawm txij nkawm twg ces yuav tau $21,20 ntau tuaj ntxiv rau 2 limtiam. Txhais tias ib tug twg yuav tau $862.60 rau 2 limtiam twg, los yog tau nyiaj sib sau ua ke txog $1,725.20.
Tsis tas li ntawd los tej neeg uas tau cov nyiaj disability support pension thiab carer payments kuj yuav tau raws li cov kev nces nyiaj zoo tib yam rau cov age pension thiab.
Tej neeg tau cov nyiaj JobSeeker yuav tau ntau npaum li cas ntxiv?
Yog tib leeg xwb thiab ho muaj hnoob nyoog tshaj 22 xyoos tab sis tsis muaj me nyuam ces yuav tau nyiaj ntau tuaj ntxiv txog $15.30 rau 2 limtiam twg los yog yuav tau nyiaj txog $778 rau 2 limtiam twg.
Hos cov txij nkawm ces yuav tau ib tug twg $14 ntau tuaj ntxiv rau 2 limtiam twg txog li $712.30 thiab tau sib sau ua ke txog $1424.60.
Hos tau nyiaj pab them nqe ntiav tsev nyob npaum li cas ntxiv?
Yuav tau cov nyiaj pab them nqe ntiav tsev nyob ntau tuaj ntxiv txog li 10 feem pua raws li tau qhia rau hauv tsoom fwv teb chaws tej nyiaj puag xyoo, thiab yuav them raws tib co indexation.
Ces thiaj yuav ua rau tej neeg yuav tau cov nyiaj pab them nqe ntiav tsev nyob ntau tuaj ntxiv txog li $23 rau 2 limtiam twg rau tib tug neeg uas tsis muaj me nyuam, ces thiaj tau nyiaj $211.20.
Hos cov nkawm niam txiv uas tsis muaj me nyuam ces yuav tau $21.80 rau 2 limtiam twg ces thiaj ua rau ib tug twg tau txog li $199 rau 2 limtiam twg lawm.
Hos tej niam txiv uas muaj tib tug niam los yog tib tug txiv ua tus tab cuab tab yig thiab cov nkawm niam txiv uas muaj txog li 2 tug me nyuam yuav tau nyiaj ntau ntxiv txog li $27.02 rau 2 limtiam twg, ces thiaj yuav ua rau ib tug niam txiv twg ntawm nkawm niam txiv twg tau nyiaj txog li $248.22 rau 2 limtiam (14 hnub) twg lawm.
Tej niam txiv uas muaj tib tug niam los yog tib tug txiv ua tus tab cuab tab yig thiab cov nkawm niam txiv uas muaj txog li 3 tug me nyuam log yog muaj me nyuam coob tshaj ntawd yuav tau nyiaj ntau ntxiv txog li $30.52 ntxiv rau 2 limtiam twg, txhais tau tias yuav tau nyiaj 2 limtiam twg txog li $248.22.
Yuav tau nyiaj parenting payment ntau npaum li cas ntxiv?
Tib tug neeg xwb uas tau cov nyiaj age pension uas muaj hnoob nyoog (67 xyoo) ces yuav tau nyiaj ntxiv $19.20 rau 2 limtiam thiab yuav tau nyiaj txog $978.60 rau 2 limtiam.
Thiab ib nkawm niam txiv twg uas muaj hnoob nyoog tib yam li hais los saum toj no ces yuav tau nyiaj ntau ntxiv ua $712.30 rau 2 limtiam twg tom qab tau nyiaj ntau ntxiv txog $14 rau 2 limtiam twg.
Source: SBS
Thaum twg mam li tau tej nyiaj ntau zog ntxiv no?
Hnub tim 20 lub 9 hli ntuj (2024) no ces nom tswv yuav them tej nyiaj uas tau ntau tuaj ntxiv no ncaj qha rau tej neeg tau tej nyiaj pab no lawm.
Tab sis tej uas tau cov nyiaj Youth Allowance yuav tsis tau tej nyiaj ntau tuaj ntxiv rau lub 9 hli ntuj vim rau index rau lub 1 hlis ntuj lawm.
Ho muaj dab si pauv hloov ntxiv?
Kuj muaj ib co tshuaj tshiab uas muaj rau tej neeg yuav siv tau ntev txog , nrog tej tshuaj uas muaj tag nrho txog li ntawm 300 hom tam sim no lawm.
Cov tshuaj tshiab uas tau raug coj los teev ntxiv rau hnub tim 1 lub 9 hli ntuj ces muaj tej tshuaj kho pob kab ntxau, tej tshuaj noj pab daws kev ntxhov siab thiab nyuaj siab, tej tshuaj no kho hawb pob, tej tshuaj noj kho cem quav, tej tshuaj noj kho mob plab tsam uas pheej muaj tej kua tsib npau tshoom nce toj raws txoj hlab nqos zaub mov, tshuaj kho lub ntsiab muag plooj tsis pom kev, qhov muag qhuav dej, Parkinson thiab tej mob ua rau ntsws txhaws ua tsis taus pa.
Ces thiaj tau coj tej tshuaj uas muaj peev xwm yuav tau siv txog 60 hnub los los teev zwm rau thaum lub 9 hlit ntuj 2023 thiab pab kom tej neeg muaj peev xwm yuav tau tej tshuaj no tib zaug coj mus siv kav 2 hlis uas tau them tus nqe pheej yig.
Cov hauj lwm no yog tsim coj los pab txuag nyiaj thiab txuag sij hawm kom tej neeg mob tsis txhob pheej tau mus ntsib lawv tej kws kho mob ntau zaus.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
