KEY POINTS
- Ginusto ni Marilyn Santiago ang maging marriage celebrant dahil na-inspire siya sa mga marriage celebrant at sa kapangyarihan nilang mag-officiate ng mga kasal.
- Sa Australia, kinakailangan ang 30-day notice bago maaring magpakasal ang magkasintahan.
- Ang karaniwang halaga ng bayad ng marriage celebrant sa Australia ay nasa $400 hanggang $1500.
Bakit naging isang marriage celebrant
Maraming dahilan kung bakit pinili ni Marilyn Santiago ang maging isang marriage celebrant. Isang malaking inspirasyon sa kanya ang kanyang unang imbitasyon sa isang kasal.
"Nainvite ako sa isang wedding at nainspire ako. Gusto ko din maging marriage celebrant," sabi ni Marilyn.
Para sa kanya, bilang celebrant ay may kapangyarihan siyang mag-ooficiate ng kasal, isang bagay na labis niyang ninanais.
Bagama't may full-time job si Marilyn, hindi ito naging hadlang para sa kanya. Nag-enroll siya sa isang kursong Certificate IV in Celebrancy at natapos ito sa loob ng anim na buwan.
"I took a course to become one. Finished the course in 2005, nakuha ang registration ng 2007," kwento niya. Matapos ang dalawang taon, opisyal na siyang rehistradong celebrant.
Sa Australia, kinakailangang bigyan ng 30 araw ang marriage celebrant bago magpakasal.
"May paperwork na lalagdaan known as notice of intended marriage. After 30 days on or after, pwede na magpakasal," paliwanag ni Marilyn.
Maaari ring magpakasal ang mga hindi Australian citizen o PR dahil walang residency requirements ang pagpapakasal sa Australia.
Ang pagiging celebrant ay may mga hamon din, tulad ng biglang pag-ulan. Kailangan laging may Plan B.
Naranasan na rin ni Marilyn na magkasal ng same-sex couples mula noong na-legalise ang same-sex marriage.
Ang 'Love Down Under' ay isang podcast series ng SBS Filipino tungkol sa pag-ibig, relasyon at mga kwentong pamilya.
LISTEN TO THE PODCAST
'I deliver the ceremony by heart': Marriage celebrant on officiating weddings
SBS Filipino
27/06/202423:15
