Key Points
- Ol fri apps mo onlaen websaet I save helpem yu blong praktisim Inglis long wan relax wei.
- Kavman prokem olsem Adult Migrant English Program I helpem ol migrants mo humanitarian participants wetem Inglis lanwij skills.
- Watchem ol subtitled prokram mo readim ol audio buk I save help blong improvum grammar blong yu.
Blong masterem Inglis lanwij hemi hard lelepet, mo yumi evriwan tu I save se blong andastanem ol Ostrelian pronunciation mo expresens samtaem I hard.
Hemi se, ol man mo woman we oli lanem Inglis lanwij oli facem plante jalens mo fulap taem fraet I kam olsem bigfala barrier long saet blong lanem lanwij ia.
“Ating oli tink seh oli olfala tumas, o maybe oli tink seh oli aot long skul blong long taem tumas, o ating from oli no bin attendem skul mo oli nogat wan plan long saet blong lanem samthing.”
Yu mas save tu se I gat lanwij sapot blong helpem yu wetem eni kaen problem we yu gat tu.
Ol man oli no kea tumas long mistake yu mekem. Lanwij hemi helpem yumi blong pasem mesej, mo ol man oli interest long mesej ia nao.Marcella Aguilar
Formal Inglis Trening
Alison Lennon hemi stap olsem Direkta blong Stadi long Langports English Language College.
Taem yu gat wan formal Inglish trening hemi putum yu long wan gudfala ples blong kasem wan wok long fiuja, mo helpem yu tu wetem ol stadi blong yu,” hemi talem.
Long aplikesen blong Visa blong yu, bae oli save askem yu blong provaetem evidence long level blong Inglis lanwij blong yu.
Ostrelian Kavman hemi luk save tu ol Inglis lanwij tes we yu mekem long saet blong visa aplikesen. Ol Universiti, TAFE, praevet college mo ol lanwij senta oli stap offerem setifiket kos olsem IELTS*, CAE* mo TOEFL*.
Credit: Westend61/Getty Images/Westend61
“Ol student we oli kam long ples ia long saet blong travel o blong kam spel nomo, maet oli wantem lukluk long ol general Inglis course we oli offerem.”
“Sam student oli wantem graduate long wan Universiti long hom kantri blong olgeta so oli stap lukaot ol ples we oli offerem TOEIC mo IELTS. Beh blong ol long-term opsen, I gat ol skul we I offerem ol pathway prokram blong go long TAFE o wan university.”
Olgeta we oli holem student visa oli gat samfala rikwaemen. Eksampol, student ia I mas enrol long wan lanwij skul wetem atleast 20 hao blong face-to-face class long wan wik.
READ MORE
English for Work
Samfala lanwij skul oli save preperem yu redi blong tekem wan lanwij test.
Eksampol, sapos yu stap lukluk blong jensem visa or enrol long wan university, I gat bigfala janis se hemi wan rikwaemen blong yu mas gat wan IELTS setifiket, Alison Lennon long Langport hemi explainem hemia.
“Bae mifala trainem olgeta long IELTS blong mekem sua se oli gat ol raet teknik mo skill mo preperem olgeta bifo oli save sidaon blong tekem wan IELTS test.”
Migrant Inglis Prokram
Ostrelian Kavman Depatmen blong Hom Affea, Adult Migrant English Program (AMEP) I helpem ol migrant mo humanitarian we oli kam long Ostrelia blong improvum Inglis lanwij blong olgeta.
Olsem pat blong AMEP Volentia Tija Scheme ia, Marcella Aguillar hemi matchem ol participant wetem ol tija, one on one. Prokram ia hemi gat bigfala potential blong save mekem wan jens.
Oli no provaetem nomo lanwij trening be oli provaetem tu frensip mo oli encourajem ol pipol we oli lonely mo oli stap olgeta nomo.Marcella Aguilar
Yu save mit long haos, long library o long wan pablik space.
“Bae mi encouragem evriwan blong kam jekem aot lokol college, toktok long wan staff memba, mo sapos yu save enrol, gat access long wan tija blong I save helpem yu.
“Ol tija oli enkarejem yu bikwan, oli save pushum yu mo sapotem yu long wokbaot blong yu”.
Wan Taiwanese woman I stap lisen long music/wan podkas/wan audiobuk wetem wan waet headphone Credit: Peter Berglund/Getty Images
Tips blong improvum Inglis blong yu
Ol top tip blong Marcella Aguilar:
- Watchem Teletext TV. Ridim ol subtitle, mo listen planteh, listen gud long ol Ostrelian accent mo pickimap samfala common Ostrelian toktok.
- Daonloadem ol fri apps olsem Duolingo, Bitsboard, Oz Phonics mo Book Creator.
- Ridim ol audio buk mo listen long ol. Bae yu save harem ol pronunciation, rhythm mo musik blong lanwij mo yu save pikim ap grammar tu.
Ol top tip blong Hester Mostert:
- No usum ol self-checkout taem yu go long supamaket. From supamaket hemi ol gudples blong lanem lanwij, tekem taem blong toktok wetem ol cashier.
- Tekem taem blong toktok wetem ol taxi draeva o Uber draeva, hemi gud blong lanem inglis lanwij skill blong yu bitim taem yu stap skrol long phone.
- No fraet blong joinem ol grup, yu participate long ol grup aktiviti olsem ol kommuniti mo sports grup. Hemi no blong helpem yu blong socialise nomo beh blong praktisim Inglis lanwij skill blong yu tu mo helpem yu blong mekem wan koneksen wetem kommuniti blong yu.
Credit: Image Source/Getty Images
Lanem samting Onlaen
Jekem aot ol fri onlaen tool olsem olgeta we ABC mo SBS I stap putum aot.
I save helpem yu bikwan blong improvum Inglis lanwij skill blong yu taem yu stap lanem ol samting abaotem Ostrelian kalja thru ol video, storian mo podkas.
Acronyms
* International English Language Testing System (IELTS)
* Cambridge English: Advanced (CAE)
* Test of English as a Foreign Language (TOEFL)
