Key Points
- Faenem wok aotsaet long ol normal rod i save helpem yu bikwan blong kasem wan wok.
- Ol Migrant mo refugee wok sevis oli save helpem yu blong kasem wok kwik taem.
- Traem janis blong yu wetem ol sekta we i stap kam antap bikwan naoia long Ostrelia olsem care giver, hospitality mo ol women long trades o konstraksen wok.
Hemi impoten se yu mas lanem yu wan wetem ol migrant employment sevis we hemi wan impoten step blong faenem wok long Ostrelia. Taem yu save gud long hemia, bae hemi mekem rod blong yu blong faenem wok hemi mo isi long yu wan.
Blong faenem wok hemi wan impoten samting.
Taem yu kasem Ostrelia, hemi impoten tumas se yu jekem ol wok raet blong yu mo lukaotem ol wok.
Hemi hemi advaes we Agnes Kemenes, Hed Loea long NB Mikresen Loa.
“Yu no mas fraet blong go lukaotem wok. Bae I nogat man I lukaotem wok mo kivim long yu. Mo blong faenem wok hemi impoten tumas se yu save gud Ostrelian wok maket. Hemi nomata tu se yu toktok Inglish wetem wan foren tune, yu save yusum wanem we I nogud long hem I kam olsem wan gud samting blong yu, be yu mas go lukaotem wok yu wan.”
Ol Wok websaet
Blong statem proses blong lukaotem wok blong yu, mekem gud yus long ol websaet olsem Seek, CareerOne, mo Jora, wetem ol sosel midia websaet olsem LinkedIn, oli provatem sam gudfala infomesen long ol wok vekensi long ol diferen sekta.
“Wan difference wetem rikrut mo olgeta we oli stap mekem leba hire hemi ol rikrut kampany bambae oli save helpem yu blong faenem wok, bae oli save jajem yu smol. Wetem Leba hire, oli provaetem wok long yu be olio l medel man nomo bae oli hirem aot yu go long wan nara kampani bakeken.”
Faenem wok, wok aplikesen fom, kontrak mo bisinis. Wan man i stap handem resume blong hem long wan man blong rikrut blong lukluk long aplikesen fom blong hem. Source: Moment RF / Narisara Nami/Getty Images
Sam narafala wok maket
Be blong lukaotem wok I save involvem tu sam narafala rod bakeken we plante oli no save long hem.
Wetem plante wok we oli no putum aot long pablik, blong faenem wok hemi impoten se yu toktok stret wetem ol man we oli stap employem ol man mo mekem koneksen wetem olgeta long Ostrelia.
Rod ia hemi save involvem yu blong lukaotem ol wok long Fesbuk pej blong komuniti grup blong yu, plante taem oli yusum ol rod ia blong lukaotem man blong wok mo oli postem ol wok vekensi.
Migrant mo refugee wok sevis
Yu save aksesem tu plante migrant mo refugee sevis we oli helpem ol man blong faenem wok.
“Fes samting we mifala mekem, mifala singaotem ’10 step blong sakses’, hemi blong helpem olgeta blnog save wanem nao oli mas putum redi I stap, olsem blong translesen o olsem blong konvetem ol pepa blong olgeta I go long wan Ostrelian wan, hao blong mekem ol kwalifikesen blong olgeta blong Ostrelia I luk save, hao blong lukaotem wok, hao blong lukaotem ol bisnis haos, hao blong mekem koneksen wetem ol sevis olsem blong mifala we I save helpem olgeta blong oli save kam independent.”
Taem oli jes kam, ol niu immigrants oli konektem olgeta wetem SSI thru long Refugee mo Asylum Seekers Employment prokrams.
SSI I lukluk long wanem kaen wok nao oli save mekem, mo oli helpem olgeta wetem ol wok joes. Thru long ol kaen prokram olsem ia, ol pipol oli save lanem hao blong mekem ol resume blong olgeta I kam blong mitim Ostrelian standard mo gat mo save long hao blong faenem wok.
Ms. Lazkany I talem se sapos yu holem wan wok finis ovasi, SSI I save provaetem wan rod blong yu save folem mo mekem mo alignem wetem ol wok vekensi long Ostrelia.
“Sapos yu wan Mechanical Engineer lo Middle East we yu wok long wan multi-billion dollar projek, hao nao bae yu save mekem thru? Bae yu save stat olsem wan projek maneja? O bae yu stat long wan nara ples fastaem taem while mifala go thru long ol proses blong mekem ol ovasi kwalifikesen oli rikoknaesem, wok blong improvum inglis lanwij long wok, wok long confidence level, wok blong bildim ap sosol netwok. From long end blong dei, yumi save se bae yu faenem wok, ino wok I faenem yu. Mo hemi who yu save, mo hao blong wokbaot long rod ia blong mekem se yu save akjivim wan samting.”
SSI hemi help wetem introdaksen wetem ol lokol bisni, hemi helpem ol man mo woman blong oli gat confident blong maketem ol skill mo kwalifikesen blong olgeta. Sapot ia hemi blong olgeta we oli jes kam long saet blong konektem olgeta wetem ol wok long lokol maket.
AMES Ostrelia tu hemi provaetem sevis long saet blong wok I go long ol migrants mo ol refugees thru long Federal Kavman Wokfos Ostrelia prokram mo ol narafala ples bakeken.
Wok blong olgeta hemi blong helpem ol refugee mo ol migrant blong gat wan gud janis blong faenem wok.
Laurie Nowell, Pablik Afea Maneja long AMES Ostrelia, hemi talem se ol I gat sam samting we ol migrant oli mas kam wetem.
Wok Mentoring Prokram ia i help blong mekem proses blong ol kasem wok i hariap.Laurie Nowell, Publik Afea Maneja long AMES.
“Wan long ol prokram we mifala I stap ranem hemi blong provaetem wok mentoring prokram we hemi lukluk blong helpem ol migrant oli kasem wok. Oli mekem blong helpem ol migrant blong oli kasem wok kwik taem. So yumi mekem olsem wan stop shop blong olgeta, mo yumi wok wetem olgeta blong faenem ol strong poen blong olgeta mo wanem we oli nidim blong faenem wan wok.”
Ol prokram ia oli fri nomo.
AMES I ranem tu wan skilled Profesonal Migrants Prokram, wan course we I help blong introdusum ol profesonal migrant long ol Ostrelian wokples.
“Ol man oli kasem ol advaes long hao blong mekem wan intaviu long Ostrelia, hao blong raetem wan resume, from long plante ples hemi different, mo tokbaot ol wokples kalja wetem olgeta. Long sem taem tu provatem wan experiens we yumi konektem olgeta wetem wan lokol man we I wok long wan ples we oli interest blong wok long hem. Hemia olsem wan IT o wan engineering o medesin o eni narafala wan.”
Blong save mo long ol prokram ia, yu save faenem mo infomesen long AMES websaet.
Pikja blong wan Aborijini Ostrelian woman Woka long wan Sola Fam Credit: Thurtell/Getty Images
Women long trades mo konstraksen
Sapos yu wan woman we yu interest blong kam wan tradie
Connecting Woman to Trades hemi wan NSW state kavman scheme we oli wok tugeta wetem SSI, Hemi stap blong sapotem ol woman we oli interest blong go long trades o construction sekta, SSI’s Joudy Lazkany I talem.
“Mifala stap wok plante nao wetem ol bisnis mo ol woman, hemia long saet blong empowerem ol woman long trades. Mifala wok kolosap wetem ol woman we oli interest long trades mo samfala taem tu ol woman we oli luk trades olsem wan wok we oli wantem wok long hem. Mifala kam insaet long ples ia nao mo helpem olgeta blong save mo abaotem sekta ia mo hao oli save mekem wan carrer long ples ia.”
tinktink ia hemi blong rikoknaesem impotens blong faenansol empowerment blong ol woman, from ol woman oli no sapotem olgeta nomo - samfala taem oli sapotem full famili.
Wetem bigfala namba blong ol woman we oli involve long wok blong trades hemi showem wan sosol jenis mo hemi se hemi kam olsem wan optional carrer opsen.
Traem care giver mo hospitality indastri
O ating yu tinktink long wan care mo hospitality industry. AMES Ostrelia hemi ranem ol vokesenol trening long eria ia tu.
Laurie Nowell bakeken.
I gat ol sekta we I gat plante entri level wok. Mifala wok wetem ol migrants mo refugees we maet oli nogat wan profesonol kwalifikesen be oli wantem wok, thru long hospitaliti oli save kasem ol skill mo kwalifikesen mo joinem wokfos. Care mo Hospitality industry hemi kam wan bigfala industry naoia, hemi kivim wok long samples tu million pipol, mo bae I save inkris kasem 2.5 million long 2025.
wan bisnis woman i stap toktok long wan fren colleague blong hem long wan ofis setting. Credit: Willie B. Thomas/Getty Images
The benefits of volunteer work
“You introduce yourself; you introduce your talent,” Agnes Kemenes says.
“Any migrant who comes to this country brings an amazing wealth of culture and different approaches to certain occupations. Certainly I would recommend this in situations where you’re hunting for a job for a long time and you’ve had 30, 40, 50 knockbacks.”
"This way, you prove yourself to the employer while gaining experience," Ms Kemenes adds.
